ഡിയര് കൊച്ചുതോമ..താങ്കളുടെ കത്ത് വായിച്ചു..മറുപടി എന്തായാലും നേരിട്ട് എഴുതാം എന്ന് വിചാരിച്ചു..നാട്ടുകാരെ കാണിക്കാന് സുമംഗല വാരികയില് വേറെ ഒരെണ്ണം ഇടുന്നുണ്ട്...സത്യം പറയാമല്ലോ...എന്റെ ഈ ഇരുപതു വര്ഷത്തെ മനസാസ്ട്ര ജീവിതത്തില് ഇത്രയും സങ്കീര്ണ്ണമായ ആയ ഒരു കത്ത് ഞാന് വായിച്ചിട്ടില്ല...ഞാന് അതിനെ തിരിച്ചും മറിച്ചും അവലോകനം ചെയ്തു നോക്കി.താടി ഒന്ന് തടവാമെന്നു വെച്ചാല് എനിക്ക് ഫ്രഞ്ച് താടി ഇല്ലല്ലോ.. ഫ്രഞ്ച് താടി ഇല്ലാത്ത കൊണ്ട് ഒരു ലുക്ക് ഇല്ല എന്നായിരുന്നു ഇന്നാള് ഉപദേശം തേടി വന്ന ഒരു തിരുവല്ലക്കാരി പറഞ്ഞത്..ഡോക്ടര് ആയപ്പോള് ലോനപ്പന് എന്ന കണ്ട്രി പേര് മാറ്റി ഫെര്ണടെസ് ആയതിന്റെ ബുദ്ധിമുട്ട് എനിക്കറിയാം...പിന്നാ..
ഈ കത്തുമായി ഞാന് എന്റെ സഹ പ്രവര്ത്തകരായ പലരുമായും ഞാന് സംവാദത്തില് ഏര്പെട്ടു . അവസാനം സിറ്റിയിലെ എന്റെ പ്രധാന പ്രതിയോഗിയും പ്രിയസഖി വാരികയുടെ മനസാസ്ട്ര വിഭാഗത്തില് കത്തുകള് എഴുതുന്നയാളുമായ ഡോ.ഗോണ്സാല്വസുമായി (അയാളുടെ പഴയപേര് എന്റെ പഴയ പേരിലും മോശമാ )അവസാനം എനിക്ക് താങ്കളുടെ പ്രശ്നം വിശകലനം ചെയ്യേണ്ടി വന്നു...കത്ത് വായിച്ചിട്ട് അങ്ങോരുടെ ആദ്യ പ്രതികരണം ഇവനെ ഒക്കെ ചാട്ട കൊണ്ട് അടിക്കാന് അവിടെ നിയമങ്ങള് ഒന്നും ഇല്ലേ എന്നായിരുന്നു..കുവൈറ്റില് ചാട്ടയടി ഈയിടെ നടക്കാറില്ല എന്ന കാര്യം ഞാന് ഓര്പിച്ചു. പിന്നെ പ്രിയസഖി ഒക്കെ വായിക്കുന്നവരേം ചാട്ടക്ക് അടിക്കേണ്ടി വരും എന്ന് നാട്ടില് ഒരു സംസാരം നടക്കുന്നു എന്ന് ഞാന് ഒരു താങ്ങ് താങ്ങി. അവസരം കിട്ടുമ്പോഴല്ലേ പറ്റു!
ഞങ്ങളുടെ രണ്ടുപേരുടെയും അവലോകനത്തില് താങ്കള് അവിടെ തന്നെ നില്ക്കുന്നതായിരിക്കും നല്ലത്...അവിടകുമ്പോള് കള്ളുകുടി മുതലായ കലാ പരിപാടികള് നടക്കില്ലല്ലോ..കള്ളിനൊക്കെ ഇവിടെ എന്താ വില.. ഹോ... .. ഒറിജിനല് കിട്ടാനും ബുദ്ധിമുട്ട്.. പിന്നെ താങ്കള് പറഞ്ഞപോലെ ബാംഗ്ലൂര് ഒന്നും പോയിട്ട് ഈ വൈകിയ വേളയില് വലിയ പ്രയോജനം ഉണ്ട് എന്ന് തോന്നുന്നില്ല.. കാരണം പുതുതായി പഠിച്ചിറങ്ങുന്ന പിള്ളര്ക്കാന് അവിടെ ഡിമാണ്ട്. ഗള്ഫില് നിന്നും കുടവയറും ഒക്കെ ആയിട്ടു വരുന്ന താങ്കളെ പോലെ ഓടിത്തളര്ന്ന കുതിരകളെ കൊണ്ട് (ഓടാന് ഒക്കെ ഇപ്പൊ പറ്റുമോ)വലിയ പ്രയോജനം ഇല്ല എന്ന് അവര്ക്കറിയാം.ഓണ്ലൈന് ഫോറത്തില് പറഞ്ഞത് തന്നാ ശരി..ഈ അവസ്ഥയില് താങ്കള് നാട്ടില് പോയാല് ഉടനെ തന്നെ ഒരു അഞ്ചു ലക്ഷം രൂപയുടെ ബാധ്യത ഉണ്ടാക്കാന് പറ്റും.. പിന്നെ പണ്ടേ പോലെ ക്രെഡിറ്റ് കാര്ഡ് കമ്പനിക്കാര് ഭീഷണി ഒന്നും ആവില്ല നടത്തുന്നത്...ക്വോട്ടേഷന് ആയിരിക്കും..കയ്യോ കാലോ ഒക്കെ പോയാല് പിന്നെ ഭയങ്കര ബുദ്ധിമുട്ടായിരിക്കും ജീവിക്കാന്. പിന്നെ കാലം മാറിപോയി..അവിടൊക്കെ ജീവിതച്ചിലവും കൂടി.. ഒരു ചായ മൂന്ന് പേര് ബൈ ടു ഒക്കെ അടിക്കാന് ഇപ്പൊ പറ്റും എന്ന് തോന്നുന്നില്ല.. പബ്ബില് ബിയറടിക്കാന് പോയിട്ട് പത്തു രൂപ ടിപ് കൊടുക്കുന്നവനെ വിളിച്ചു അത് തിരിച്ചു കൊടുക്കും എന്നൊക്കെ ആള്കാര് പറഞ്ഞു കേള്ക്കുന്നു... പിന്നെ ഇവിടെ ഒക്കെ താങ്കളുടെ ജോലി ചെയ്യുന്നവര് ചുമ്മാ വീകെന്റില് ശ്രീലങ്കക്കും ബംകോക്കിലും ഒക്കെയാണ് പോകുന്നത്...പണ്ടത്തെ പോലെ ഊട്ടി - കൊടൈകനാല്, മല്ലപ്പള്ളി - കറുകച്ചാല് എന്നിങ്ങനെ ഉള്ള സ്ഥലങ്ങളില് ഒന്നും ആള്കാര് ടൂറിനു പോകാറില്ല .
പിന്നെ പുതുതായി ഒന്നും പഠിക്കാന് പറ്റുന്നില്ല എന്ന വിഷമം ഒട്ടും വേണ്ട...തൊണ്ണൂറു ശതമാനം പേരും ഗള്ഫില് അങ്ങനെ ഒക്കെ തന്നെ ആണെന്നാണ് എനിക്കുള്ള വിവരം..അല്ലെങ്കില് തന്നെ പഠിപ്പിനനുസരിചാണോ അവിടെ ജോലി ഒക്കെ കിട്ടുന്നെ ? അതൊക്കെ ഒരു യോഗം ആണ് എന്ന് ദുബായില് ജോലി ചെയ്യുന്ന ജോണ്സന് പറയുകയുണ്ടായി.ജോണ്സന് പത്തു ഫെയിലാണ് .എന്നിട്ടും സേഫ്റ്റി എന്ജിനീയര് ആണ് അവന് ഇപ്പൊ..അവന്റെ അനിയന് ഇപ്പൊ ലിഫ്റ്റ് ടെക്നോളജി പഠിക്കുന്നു.അവനും ഉടനെ ഗള്ഫില് പോണു എന്ന് കേള്ക്കുന്നു..പിന്നെ പത്തു പാസായകൊണ്ട് അവനിനി വല്ല ജനറല് മാനെജരൊക്കെ ആകുമായിരിക്കും...ജോണ്സന് കഴിഞ്ഞ മാസം പുതിയ ടൊയോട്ട ഫോര്ച്ചുനെര് ഒക്കെ വാങ്ങിച്ചു.....മമ്മൂട്ടിക്കും ജയറാമിനും ഒക്കെ മാത്രേ ഉള്ളു ഈ വണ്ടി എന്നാ അവന്റെ അപ്പന് ഓറഞ്ചു കുഞ്ഞപ്പന് (പണ്ട് ഓറഞ്ചു വണ്ടിയില് തള്ളി നടന്നായിരുന്നു ജീവിച്ചത് ,അങ്ങനെയാണ് ഈ നാമധേയം ഉണ്ടായതു ) നാട്ടില് പറഞ്ഞു നടക്കുന്നെ.
ഡോക്ടര് ഫെര്ണാഡെസ്
3 അഭിപ്രായ(ങ്ങള്):
sasi rocks again!!!!!
marupadi kalakki...
hihihih
i cant believe that you got such a fantastic humour sense sasi...
sasi aaloru sambavam thannedeyyyy!!!!!
.ശശിയേട്ട കത്തും മറുപടിയും വായിച്ചു .കൊള്ളാം കേട്ടോ .അക്ഷര തെറ്റ് ഉണ്ട് . ആശംസകള് .
.ശശിയേട്ട കത്തും മറുപടിയും വായിച്ചു .കൊള്ളാം കേട്ടോ .അക്ഷര തെറ്റ് ഉണ്ട് . ആശംസകള് .
Post a Comment