Jul 15, 2011

പരിപ്പുവട ബ്ലോഗ്‌..ചില സുപ്രധാന തീരുമാനങ്ങള്‍

പരിപ്പുവട ബ്ലോഗിന്റെ അഞ്ചാം വാര്‍ഷിക പോസ്റ്റ് ഇട്ടതിനു ശേഷം ഒരുപാട് സുഹൃത്തുക്കളും അഭ്യുദയകാംക്ഷികള്‍ എനിക്ക് കമന്റായും,മെയില്‍ ആയിട്ടും അഭിപ്രായങ്ങള്‍ അയക്കുകയുണ്ടായി. മുന്പെന്നപോലെ തന്നെ എന്നെ പുകഴ്ത്തി ഉള്ള കമന്റുകള്‍ ഞാന്‍ അപ്രൂവ് ചെയ്യുകയും ചെയ്തു. മെയില്‍ അയച്ചു എന്നെ തെറി വിളിച്ച സുഹൃത്തുക്കള്‍ക്ക് നന്ദി. കാരണം അവ ഞാന്‍ മാത്രമേ കണ്ടിട്ടുള്ളല്ലോ. അതെങ്ങാനും കമന്റു ബോക്സില്‍ വന്നിരുന്നേല്‍ ...ഫഗവതീ.



കഴിഞ്ഞ ദിവസം ഞാന്‍ ഒരു സുപ്രധാന തീരുമാനം എടുത്തു. എന്റെ കമന്റു ബോക്സ്‌ അടക്കുക എന്നുള്ളത്. എന്റെ കഥ വായിക്കുന്നവര്‍ മേലില്‍ എനിക്ക് മെയില്‍ അയച്ചാല്‍ മതി. എന്റെ പോസ്റ്റുകളെ സംബന്ധിച്ചുള്ള അഭിപ്രായങ്ങള്‍ ഞാന്‍ അറിഞ്ഞാല്‍ പോരെ. എന്തിനാ വെറുതെ പൊതു ജനം കമന്റു വായിച്ചു ചിരിക്കുന്നത്.കമന്റുകളുടെ എണ്ണം എന്നെ സംബന്ധിച്ച് ഒരു പ്രശ്നം ആയതു കൊണ്ടാണോ കമന്റ് ബോക്സ്‌ അടക്കുന്നത് എന്നൊരു ന്യായമായ സംശയം ഉയര്‍ന്നേക്കാം. കമന്റുകള്‍ക്ക് വേണ്ടി തന്നെ ആണ് ഞാന്‍ പോസ്റ്റ്‌ ഇടുന്നത്. കൂടുതല്‍ കമന്റു കിട്ടുമ്പോള്‍ കൂടുതല്‍ സന്തോഷം കിട്ടും. ഇപ്പൊ കാര്യം മനസ്സിലായി എന്ന് കരുതട്ടെ.


അപ്പോള്‍ ചോദിച്ചേക്കാം , മറ്റുള്ളവരുടെ പോസ്റ്റില്‍ ഇനി കമന്ടുമോ എന്ന്. തല്‍ക്കാലം അത് നിര്‍ത്താന്‍ ഉദ്ദേശ്യം ഇല്ല. ബൂലോകത്തെ ബ്ലോഗര്‍മാരെ ഒരു വഴി ആക്കുന്നത് വരെ അത് തുടരും. നല്ല കഥകള്‍ വായിച്ചാല്‍ എനിക്ക് ചൊറിച്ചില്‍ വരും, പിന്നെ അതില്‍ ഉള്ള ഒന്‍പതു നന്മ കാണാതെ പത്താമത്തെ തിന്മ കാണും. അതൊരു തെറ്റാണോ ?


ദിവസം രണ്ടു പോസ്ടിടുന്നതിനെ കുറിച്ച് വിമര്‍ശിച്ചവരോട് രണ്ടു വാക്ക്. സൗകര്യം ഉണ്ടെങ്കില്‍ വായിച്ചാ മതി. എന്റെ ബ്ലോഗ്‌ എന്റെ സമയം, ഇഷ്ട്ടം പോലെ ഞാന്‍ പോസ്റ്റ്‌ ഇടും.ആരും നിര്‍ബന്ധിചില്ലല്ലോ വായിക്കാന്‍. എന്റെ പ്രിയപ്പെട്ട സ്ത്രീ ബ്ലോഗേര്‍സ്, ഞാന്‍ സ്ഥിരം കമന്റിടുന്നവര്‍ മതി എന്റെ ബ്ലോഗിനെ നിലനിര്‍ത്താന്‍ . പിന്നെ അക്ഷരതെറ്റുകള്‍. അത് ഗൂഗിള്‍ അമ്മാവനോട് നേരിട്ട് ചോദിച്ചാ മതി.

ഞാന്‍ എഴുതുന്നതിനു നിലവാരം ഇല്ല എന്ന് ചിലര്‍ അഭിപ്രായപ്പെട്ടു. ആരാണീ നിലവാരം നിശ്ചയിക്കുന്ന ആള്‍ക്കാര്‍ ? നിലവാരം ഇല്ല എന്ന് പറഞ്ഞ ഒരാളുടെ പോസ്റ്റ്‌ വായിച്ചു ഞാന്‍ കരഞ്ഞു പോയി. അത് എനിക്ക് അതുപോലെ എഴുതാന്‍ കഴിഞ്ഞില്ല എന്നോര്‍തിട്ടല്ല. ഇങ്ങനെയും ആളുകള്‍ എഴുതുമോ എന്ന് ഓര്‍ത്തിട്ടാണ് !

ബ്ലോഗര്‍മാര്‍ പൊതുവേ അഭിമാനികള്‍ ആണെന്ന് തോന്നിയിട്ടുണ്ട്. കമന്റിടുന്നവര്‍ക്ക് മാത്രം തിരിച്ചു കമന്റിടുന്നവരെ പറ്റി ഞാന്‍ ഉടനെ ഒരു പോസ്റ്റ്‌ ഇടുന്നുണ്ട്. എനിക്ക് ഈ തരം ബാര്‍ട്ടര്‍ സിസ്റ്റ്ടത്തില്‍ താല്പര്യം ഇല്ല. അതുകൊണ്ട് തന്നെ എനിക്ക് ഇഷ്ട്ടപ്പെടാത്ത ബ്ലോഗുകളില്‍ അവരെ നിശിതമായി വിമര്‍ശിച്ചു കമന്റിടാന്‍ അവസരം കിട്ടാറുമുണ്ട്.

എന്റെ പോസ്റ്റ്‌ വായിച്ചു കമന്ടിട്ടെ തീരു എന്നുള്ളവര്‍ക്ക് parippuvadablog@yahoo.com എന്ന ഈമെയില്‍ വിലാസത്തില്‍ കമന്റുകള്‍ അയക്കാം. നല്ല കമന്റുകള്‍ക്ക് എന്റെ കഥാ സമാഹാരത്തിന്റെ ഒരു പ്രതി അയച്ചു തരുന്നതായിരിക്കും.

ഇതുപോലൊരു പോസ്റ്റ്‌ മുഴുവന്‍ വായിച്ചു തീര്‍ത്തതിനു നന്ദി !

74 അഭിപ്രായ(ങ്ങള്‍):

Villagemaan/വില്ലേജ്മാന്‍ said...

അവധി കഴിഞ്ഞു...പണി തുടങ്ങി...ഇതൊരു "പണി " ആണെന്ന് ആര്‍ക്കെങ്കിലും തോന്നിയാല്‍...അതൊരു തോന്നല്‍ മാത്രം ആയിരിക്കട്ടെ..ഞാന്‍ ഒരു പാവം പ്രവാസി !

ഒരു ദുബായിക്കാരന്‍ said...

വന്നല്ലോ വനമാല !! അപ്പോള്‍ വീണ്ടും പ്രവാസ ലോകത്തേക്ക് സ്വാഗതം !! നാട്ടില്‍ പോയി ബ്ലോഗ്‌ മീറ്റിലൊക്കെ പങ്കെടുത്തു തകര്‍ത്ത് വന്നിരിക്കയാണ് അല്ലെ.. ബ്ലോഗ്‌ മീറ്റിലും ചേട്ടനാണ് താരം എന്ന് ഞങ്ങള്‍ക്ക് റിപ്പോട്ടെര്‍ TV വഴി റിപ്പോര്‍ട്ട് കിട്ടിയിരുന്നു..ചേട്ടന്റെ ഒടുക്കത്തെ ഗ്ലാമറിനോട് പിടിച്ചു നില്‍ക്കാന്‍ നാടന്‍ ബ്ലോഗര്‍മാരും പിന്നെ ഫോറിന്‍ ചാണ്ടിച്ചായനും വല്ലാതെ പണിപ്പെട്ടു എന്നും റിപ്പോട്ടില്‍ ഉണ്ടായിരുന്നു..ചേട്ടന്‍ ആദ്യമായിട്ടല്ലേ മീറ്റില്‍ പങ്കെടുത്തത്? അതിന്റെ രസകരമായ അനുഭവങ്ങള്‍ ഉള്‍ക്കൊള്ളിച്ചു ഒരു പോസ്റ്റ്‌ ഉടനെ എഴുതില്ലേ?

ഋതുസഞ്ജന said...

ഞാൻ വേഗം കമന്റിടട്ടെ.... ഇനി പറ്റിയില്ലെങ്കിലോ

A said...
This comment has been removed by the author.
ആചാര്യന്‍ said...

ഒന്ന് പോലെ മറ്റൊന്നോ...അതല്ല രണ്ടും ഒന്നോ ..എന്താണ് മനസ്സിലാകുന്നില്ല കേട്ടാ...

ചെകുത്താന്‍ said...

താനൊക്കെ ഏത് കോത്തനത്തിലെ ബ്ലോഗ്ഗറാടോ ...
ധൈര്യമുണ്ടെങ്കില്‍ അപ്രൂവ്വ് ചെയ്യ്

എങ്ങനുണ്ട് എങ്ങനുണ്ട് ഗമന്റ് ....

കൊമ്പന്‍ said...

ഡാ വില്ലേജ് മാന്‍ നീ ആരാടാ ഞാന്‍ ഇവിടെ കമന്റിടും കമന്റടിക്കും നീ ഒരു ചുക്കും ചെയ്യില്ല കൊമ്പനോടാ കളി ഹല്ലാ പിന്നെ















ചുമ്മാ പറഞ്ഞതാ കാര്യമാക്കല്ലേ

hafeez said...

ബ്ലോഗ്‌ വായിച്ചു അവിടെ തന്നെ കമന്ടുന്നതാണ് എളുപ്പം. അതല്ലേ നല്ലത്? പിന്നെ മെയില്‍ ഐ ഡി ഒക്കെ നോക്കി മെയില്‍ അയക്കാന്നു വച്ചാല്‍ ... എല്ലാരും ഇങ്ങനെ തീരുമാനിച്ചാല്‍ എന്ത് ചെയ്യും :(

Muralee Mukundan , ബിലാത്തിപട്ടണം said...

പ്രഥമ ബ്ലോഗ്ഗ്മീറ്റ് പങ്കെടുത്ത് കഴിഞ്ഞപ്പോൾ ഒരു ചുള്ളനായ ബൂലോഗന് വന്ന മാറ്റങ്ങളേ..എന്റെ ഫഗവാനേ...
പാവം ബൂലോഗൻ സാബുവിന്റെ അഹന്തക്കിട്ട് ഒന്ന് പണിതു അല്ലേ (http://neehaarabindhukkal.blogspot.com/2011/07/blog-post_15.html )

- സോണി - said...

നാട്ടില്‍പോയി കുറെ ബ്ലോഗ്ഗര്‍മാരെ ഒന്നിച്ചുകണ്ടപ്പോള്‍ വല്ലതും നല്ല രണ്ടുവാക്കുരയ്ക്കുമെന്നു (ശ്രദ്ധിച്ചുവായിക്കണം, കുരയ്ക്കുമെന്നല്ല) കരുതിയതാ. ഇതിപ്പോ പരിപ്പുവടയില്‍ കുട്ടകത്തിന്റെ ആണി കടിച്ചപോലായി. ഇതിനെ തമാശ എന്ന് പറയാന്‍ പറ്റില്ല. കാരണം ഇങ്ങനെയൊക്കെ ചിന്തിക്കുന്ന ചിലര്‍ എങ്കിലും ഉണ്ടാവും, ഉണ്ട്, ചില കാര്യങ്ങളില്‍ എങ്കിലും.

ajith said...

അയ്യോ, കമന്റ് ബോക്സ് കാണുന്നില്ലല്ലോ വില്ലേജറേ...ഇനിയിപ്പോ എങ്ങിനെയൊന്ന് അഭിനന്ദിക്കും????

രമേശ്‌ അരൂര്‍ said...

ഹ ഹ ഹ ഹ ...വില്ലേജുമാന്‍ സ്വിറ്റ്സര്‍ ലാന്‍ഡില്‍ നിന്ന് ഉഡാ യിപ്പില്‍ (പാരയുടെ പുതിയ വേര്‍ഷന്‍) ഡോക്ടറേറ്റ് എടുക്കാന്‍ പോയിരിക്കുവായിരുന്നോ ? ഏതായാലും ഈ പ്രതിജ്ഞ വായിച്ചു ബൂലോകം ഞെട്ടിത്തരിച്ചു ഇരിക്കുകയാണ് ..നമ്മുടെ സാഹിത്യം നിര്‍മ്മിക്കുന്ന ഫാക്ടറികള്‍ പൂട്ടിക്കാന്‍ തന്നെയാണോ വില്ലേജ്‌ മാനേ പുറപ്പാട് ?? ഇനി ഞാന്‍ എവിടെ കമന്റ് ഇട്ടു തരിപ്പ് തീര്‍ക്കും എന്റീശ്വരാ !! വേഗം തുറക്കൂ പ്ലീസ്‌ ...ഇല്ലേല്‍ ഞാന്‍ ചവിട്ടി തുറക്കുമെ ..:)

ajith said...

ഇത് വായിച്ച് കമന്റുമിട്ട് “നീഹാരബിന്ദുക്കളില്‍” ചെന്നപ്പോഴാണ് ഈ പോസ്റ്റിന്റെ പ്രേരകമെന്തെന്നറിഞ്ഞത്. “ചില നേരങ്ങളില്‍ ചില മനുഷ്യര്‍.....”

Unknown said...

എന്താണ് സംഭവം? എന്തിനാണ് ഇങ്ങനെയൊരു പോസ്റ്റ്‌? ഒന്നും മനസ്സിലായില്ല.

MOIDEEN ANGADIMUGAR said...

“കമന്റിടുന്നവര്‍ക്ക് മാത്രം തിരിച്ചു കമന്റിടുന്നവരെ പറ്റി ഞാന്‍ ഉടനെ ഒരു പോസ്റ്റ്‌ ഇടുന്നുണ്ട്.”

വേണ്ട.ആ നാളുകളൊക്കെ പോയി. ഇപ്പോൾ അങ്ങോട്ട് കമാന്റിട്ടാൽ ഇങ്ങോട്ട് തിരിഞ്ഞു നോക്കാറില്ല പലരും.

അബ്ദുൽ ജബ്ബാർ വട്ടപ്പൊയിൽ said...

അവധി കഴിഞ്ഞു...പണി തുടങ്ങി............................

Pradeep Kumar said...

മനസിലായി.ആരുടെ ഏതു പോസ്റ്റിന്റെ പാരടി ആണെന്ന്. കൊള്ളാം എന്റെ ഗ്രാമവാസ്യേ...

A said...

ഇത് ആ പ്രതിജ്ഞകളുടെ ഒരു പാരഡിയാണല്ലോ. എന്തൊക്കെയാണ് സംഭവിക്കുന്നത് എന്ന് ഒരു എത്തും പിടിയും കിട്ടുന്നില്ലല്ലോ ഫഗവതീ.

Hashiq said...
This comment has been removed by the author.
Rakesh KN / Vandipranthan said...

kalakki athu...

Hashiq said...

>> നല്ല കമന്റുകള്‍ക്ക് എന്റെ കഥാ സമാഹാരത്തിന്റെ ഒരു പ്രതി അയച്ചു തരുന്നതായിരിക്കും<< ... പ്ലീസ്‌ ... ദ്രോഹിക്കരുത്. .... വല്ലപ്പോഴുമുള്ള പത്രവായനയും ബ്ലോഗ്‌ വായനയും കൂടി വെറുത്തുപോകും........... :-)


ഇനി പരിപ്പ് വട ഉണ്ടാക്കുമ്പോള്‍ എനിക്ക് മെയില്‍ ചെയ്ത് വിവരം അറിയിച്ചേക്കു. ഇടയ്ക്കിടെ ഡാഷ്ബോര്‍ഡ് തുറന്ന് വട റെഡി ആയോ എന്ന് നോക്കാന്‍ എനിക്കും മനസില്ല... അല്ല പിന്നെ ...................... :-)

കെ.എം. റഷീദ് said...

അപ്പോള്‍ കമന്റ് വേണ്ട എന്ന്‌ പറഞ്ഞ്
കമന്റു വാങ്ങും

പഞ്ചാരകുട്ടന്‍ -malarvadiclub said...

ഉഡായിപ്പിന് ഇങ്ങനെയൊരു മുഖമോ ???????

- സോണി - said...

എവിടെയോ കണ്ടപോലെ തോന്നിയെങ്കിലും എന്റെ ആദ്യകമന്റ് ഇട്ടുകഴിഞ്ഞാണ് 'അതിയാനല്ലയോ ഇത്' എന്ന് ആശങ്ക തോന്നിയത്. കിരുകിരുക്കുന്ന വാലുകള്‍ കുരുക്കട്ടെ മാഷേ, ഇങ്ങള്‍ക്കെന്താ....? (
ഹ.. ഹ.. തമാശിച്ചതാണേ...)

@ ഹാഷിക്ക് : 'പ്രതി' അയച്ചുതരുന്നതില്‍ എന്താ തെറ്റ്? അത് വായിക്കാന്‍ ആരേലും നിര്‍ബന്ധിച്ചോ? വലിച്ചുകീറി ചുരുട്ടി അടുപ്പില്‍വച്ചാലും ആര് ചോദിക്കാന്‍?

Hashiq said...
This comment has been removed by the author.
Hashiq said...

@ സോണി: വില്ലേജ്‌മാന്‍ എന്താണോ ഉദ്ദേശിച്ചത് അത് പൂര്‍ണമായും ഞാന്‍ ഉള്‍ക്കൊണ്ടിട്ടുണ്ട്. ഞാന്‍ ഇട്ട ( :-) ) ഇത് കണ്ടില്ല എന്ന് തോന്നുന്നു.... സ്മൈല് സ്മൈല്.... തോക്കില്‍ കേറി വെടി വെക്കല്ലേ? :-) (വീണ്ടും സ്മൈല് ഉണ്ട് )

റിയാസ് (മിഴിനീര്‍ത്തുള്ളി) said...

ഉഡായിപ്പിന്റെ പുതിയ മുഖം.

നിങ്ങള്‍ നന്നാവില്ല മനുഷ്യാ...നന്നാവില്ല...(ചുമ്മാ)

Villagemaan/വില്ലേജ്മാന്‍ said...

നന്ദി ദുബായിക്കാരാ..നേരില്‍ കണ്ടപ്പോഴാണ് ഫോട്ടോ ഷോപ്പിന്റെ അനന്യ സാധ്യതകള്‍ ഇത്രക്കോ എന്ന് പലര്‍ക്കും തോന്നിയത് എന്നാണ് അറിയാന്‍ കഴിഞ്ഞത് ! ആദ്യ അഭിപ്രായത്തിനു നന്ദി.

നന്ദി..ഋതു സഞ്ജന..
നന്ദി..ആചാര്യന്‍..

നന്ദി..ചെകുത്താന്‍..ധൈര്യം അല്പം കുറവാണ്
!

നന്ദി..കൊമ്പന്‍..പ്യാടിപ്പിച്ചല്ലോ!

നന്ദി..ഹാഫീസ് ..എവിടാ മാഷെ ഇതിനൊക്കെ സമയം !

നന്ദി..മുരളീ ഭായ്..ബ്ലോഗ്‌ മീറ്റ്‌ തകര്‍ത്തു കേട്ടോ...താങ്കളെ പോലെ ഉള്ളവരെ കാണാന്‍ പറ്റാഞ്ഞതില്‍ ഉള്ള വിഷമം മാത്രം.
.
നന്ദി..സോണി..നാട്ടില്‍ പോയി പത്തു ബ്ലോഗര്‍മാരെ നേരിട്ട് കണ്ടു എന്ന് കരുതി..നമ്മുടെ ബേസിക് സ്വഭാവം മാറ്റാന്‍ പറ്റുമോ...എന്തെ മീറ്റിനു വന്നില്ല ? വരാര്‍ന്നു !

നന്ദി.അജിത്‌ ഭായ്

നന്ദി..രമേഷ്ജി...ബൂലോകം ഒന്നാകെ ഈ പ്രതിജ്ഞയില്‍ ഞെട്ടി ഇരിക്കുന്നു എന്നാണ് ഞാനും കേട്ടത്...

വീണ്ടും വന്നതില്‍ നന്ദി...അജിത്‌ ഭായ്.
.
നന്ദി..ബിജു..ഞാന്‍ ഒരു പാവം...ഒന്നും ഉദ്ദേശിചിട്ടില്ലേ

നന്ദി..മൊയ്ദീന്‍..
നന്ദി..അബ്ദുല്‍ ജബ്ബാര്‍..
നന്ദി..പ്രദീപ്‌..
നന്ദി..സലാം ഭായ്..

നന്ദി..രാകേഷ്..മീറ്റിനു ശേഷം ഉള്ള ഈ ആദ്യ വരവില്‍ സന്തോഷം..

നന്ദി..ഹാഷിക് ...തീര്‍ച്ചയായും മെയില്‍ അയക്കാം..അവസാനം ബുദ്ധിമുട്ടായി എന്ന് പറയല്ലേ..ഹി ഹി...നമ്മള്‍ പടച്ചു വിടുന്നത് അമ്മാതിരി സാധനങ്ങള്‍ ആണല്ലോ...

നന്ദി..റഷീദ്

നന്ദി..ഫെനില്‍...ഇതില്‍ എവിടാണ് ഉടായിപ്പ് മാഷെ !

നന്ദി..സോണി...അതിനു അതിയാനല്ലല്ലോ ഇതിയാന്‍...പരിപ്പുവട ബ്ലോഗ്‌ പണ്ടേ ഉള്ളതല്ലേ...അഞ്ചു വര്ഷം ആയല്ലോ !

നന്ദി...ഹാഷിക്..അതിനു ഞാന്‍ ഒന്നും ഉദ്ദേശിചിട്ടില്ലല്ലോ !ഞാന്‍ ഒരു പാവം !

- സോണി - said...

ഗ്രാമീണമനുഷ്യാ, താങ്കള്‍ ഒന്നും ഉദ്ദേശിച്ചില്ല എന്ന് പറഞ്ഞത് ഞാന്‍ വിശ്വസിച്ചു, പക്ഷെ താങ്കള്‍ ദുരുദ്ദേശിച്ചത് എന്താണെന്ന് എല്ലാവര്‍ക്കും മനസ്സിലായ സ്ഥിതിയ്ക്ക്...
പിന്നെ, താങ്കള്‍ ക്ഷമിക്കണം, ഇവിടെ ഒരാളോട് രണ്ടുവാക്കുരയ്ക്കാനുണ്ട്.

@ ഹാഷിക്ക് : ചുമ്മാ ഉടക്കാതെ മാഷേ, ഞാന്‍ 'അത്' ഇട്ടില്ലെങ്കിലും എന്റെ മുഖത്ത് ഉണ്ടായിരുന്നു. ഞാനൊരു ഉടക്ക് കക്ഷിയാണെന്നുള്ള ആ മുന്‍ധാരണയുണ്ടല്ലോ, അതങ്ങു മനസ്സില്‍ വച്ചാല്‍ മതി. ശത്രുവായാലും (നിങ്ങളല്ല, പ്രതി അയച്ചുതരുന്ന പ്രതി, എന്റെയല്ല, നിങ്ങളുടെ ശത്രു) ചുമ്മാ കിട്ടുന്നതല്ലേ, അതിനു ഒരു ഉപയോഗം ഉണ്ടായിക്കോട്ടെ എന്ന് വിചാരിച്ചപ്പോള്‍... അയാളുടെ അത്രയും സ്ഥലവും ഒഴിവാകും, നിങ്ങള്‍ അത് അക്ഷരം വിടാതെ വായിച്ചെന്നും സൂക്ഷിച്ചുവച്ചെന്നുമുള്ള ചാരിതാര്‍ത്ഥ്യം അയാള്‍ക്കും കിട്ടും. ചേതമില്ലാത്ത ഉപകാരമല്ലേ, പോട്ടേന്ന്.
പിന്നെ, എന്റെ സ്മൈലി വര്‍ക്ക് ചെയ്യുന്നില്ല. അതുകൊണ്ട് മലയാളത്തില്‍ നാലോ അഞ്ചോ ചിരി... ദാ ഇവിടെ...

Hashiq said...
This comment has been removed by the author.
Hashiq said...

@സോണി. >>ഞാനൊരു ഉടക്ക് കക്ഷിയാണെന്നുള്ള ആ മുന്‍ധാരണയുണ്ടല്ലോ, , അതങ്ങു മനസ്സില്‍ വച്ചാല്‍ മതി<< .....................എനിക്കങ്ങനെയൊരു ധാരണയെ ഇല്ല സ്നേഹിതാ..... ഈ ബ്ലോഗ്‌ എന്ന മീഡിയയില്‍ കൂടി വല്ലപ്പോഴും മാത്രം കണ്ടുമുട്ടുന്ന നാം തമ്മില്‍ എന്തിന് അങ്ങനെയൊരു ധാരണ വെച്ചുപുലര്‍ത്തണം?

(സോറി വില്ലേജ്മാന്‍)

രമേശ്‌ അരൂര്‍ said...

ശരി ശരി ..തമ്മില്‍ പരിചയപ്പെട്ട സ്ഥിതിക്ക് രണ്ടു പേരും സ്റ്റാന്ഡ് വിട്ടു പോണം ..ഇവിടെ ഇനി വേറെയും ആളുകള്‍ വന്നു തല്ലാനുല്ലതാ ..വെറുതെ അവര്‍ക്ക് അസൌകര്യം ഉണ്ടാക്കല്ലേ ,,:)
രണ്ടാളും കൂടി ഇനി കൈകോര്‍ത്തു പിടിച്ചു എന്നെ തല്ലാന്‍ വരുന്നതിനു മുന്‍പേ ഓടി രക്ഷ പ്പെടട്ടെ ;;
:)

പൈമ said...

നല്ല ഒഫഫരാണല്ലോ..ഇതു ..
ഞാന്‍ പാവമാണ് ..
.ഈ കമന്റ്‌ പരിഗണിക്കരുത് കേട്ടോ (ഹ ഹ ഹാ )
ആശംസകള്‍

ഒടിയന്‍/Odiyan said...

കമന്റിടുന്നവര്‍ക്ക് മാത്രം തിരിച്ചു കമന്റിടുന്നവര്‍ ..ച്ചേ..ച്ചേ..ഷെയിം ഷെയിം.(ആരും അറിയണ്ട, ഒടിയന്‍ കമന്റിയിട്ടുണ്ട്,എനിച്ചിട്ടും കമന്റണെ ..)പിന്നെ,നല്ല കമന്റുകള്‍ക്ക് കഥാ സമാഹാരത്തിന്റെ ഒരു പ്രതി അയച്ചു തരുമെന്നൊക്കെ കണ്ടു..അത്രക്കൊക്കെ വേണോ..?ഞങ്ങള്‍ ഉപദ്രവം ഒന്നും ചെയ്തില്ലല്ലോ.

Arjun Bhaskaran said...

ഇതൊക്കെ ഇങ്ങനെ വിളിച്ചു പറയാമോ.. പറഞ്ഞപോലെ ഇപ്പം ബ്ലോഗു ഇറങ്ങുന്നതൊക്കെ വായിക്കാന്‍ പോയി പോയി ഇപ്പം "ബൂലോകം" എന്നത് മാറി "പരാതി ലോകം" എന്നായപോലെ ഒരു തോന്നല്‍. കമന്റ്‌ എന്നാല്‍ നല്ലത് മാത്രം എന്ന് അര്‍ത്ഥമില്ലല്ലോ, നല്ലതും ചീത്തയും എന്തും ആകാം. വില്ലേജ്‌ മാനെ കൊട്ട് കൊടുത്തു.. അത് കൊണ്ടിട്ടുമുണ്ടാവും.

സങ്കൽ‌പ്പങ്ങൾ said...

ഹ ..ഹ ...താങ്ങളുടെ കമന്റ്സ് വായിച്ചു.എഴുത്ത് രസിച്ചു...ഇനിയും കഴുത്തറുപ്പന്‍സ് പോരട്ടെ....

.Aarzoo said...

ഇനി പരിപ്പ് വട ഉണ്ടാക്കുമ്പോള്‍ എനിക്ക് മെയില്‍ ചെയ്ത് വിവരം അറിയിച്ചേക്കു.

vismayaarts@gmail.com
www.eantelokam.blogspot.com

സീത* said...

ഹു ഹു ഹു..ഏട്ടാ..പണി അസ്സലായി...ഹഹഹ...എന്നാലും അവധികഴിഞ്ഞപ്പോ പണിയുമായിട്ടാണല്ലോ ഇറങ്ങീത്...

.. said...

..
ങ്ങള് സാബൂനിട്ട് പണി വെച്ച്യാ അല്ലെ കോയാ?
ഓറ ഒര് പോസ്റ്റ്, ഇമ്മായിരി എടക്കാലത്ത് മ്മ്ല് ബായിച്ചിരിക്കണ്.

എനീപ്പ അഥല്ല, ഇഥല്ലാന്നാണ് മ്മട ശോദ്യത്ത്മ് ല് ങ്ങട ഉത്തരെങ്കി, മ്മ് ള് ബിടൂല്ല പഹയാ, ആത്തുന്നീക കബിത ബായിച്ച് മ്മ് ള് പലേപല ബ്യാഖ്യാനവും ഇണ്ടാക്കും, ഹ് മം!!

(ഓ ടോ: മെയില്‍ അയക്കണതൊക്കെ ബുദ്ധിയുള്ളോറ്ക്കേ മുട്ടാവൂ, ഞമ്മക്ക് ബുദ്ധിയില്ലാത്തോണ്ട് ആ മുട്ടിന് ഞമ്മള് പോണില്ല, എന്തേയ്?)
..

കുസുമം ആര്‍ പുന്നപ്ര said...

മാഷേ വല്ലപ്പോഴും ഒരു കൊട്ടു കൊടുക്കുന്നതു നല്ലതാണെ.. പിന്നെ പോസ്റ്റുടിമ്പോളൊരു മെയിലുതന്നാലുപകാരം

Villagemaan/വില്ലേജ്മാന്‍ said...

നന്ദി..റിയാസ്. ഭായി..നന്നാവാന്‍ ഒരു ഉദ്ദേ ശ്യവും ഇല്ല..കതിരേല്‍ വളം വെച്ചിട്ട് കാര്യം ഉണ്ടോ ..ഹി ഹി

രമേശ്‌ ജി...ഓടല്ലേ..
നന്ദി..പ്രദീപ്‌...
നന്ദി..ഒടിയന്‍...

നന്ദി..മാഡ്. ഈ ആദ്യ വരവിനു.
.
നന്ദി..സങ്കല്പങ്ങള്‍..

നന്ദി..അര്‍ഷാദ്...മെയില്‍ അയക്കാം...

നന്ദി..സീത...ഞാന്‍ ഒരു പാവം!

നന്ദി..സൂര്യകണം..
നന്ദി..കുസുമം ടീച്ചര്‍..


എല്ലാരും പറയുന്നു ഒരു ബാബുവിനെ പറ്റി...ആരാണീ ബാബു ? പരിപ്പുവട ബ്ലോഗു പോലെയോ, ബെര്‍ളി തരങ്ങള്‍ പോലെയോ , അല്ലെങ്കില്‍ ചന്ടിച്ചന്റെ കുണ്ടാ മണ്ടികള്‍ പോലെയോ ( ഇവര്‍ ക്ഷമിക്കും എന്ന് കരുതുന്നു ) പ്രസിദ്ധന്‍ ആണോ ? ദയവു ചെയ്തു ഒരു കാര്യം ഓര്‍ക്കുക..പരിപ്പുവട ബ്ലോഗ്‌ ഇവിടെ അഞ്ചു വര്ഷം മുന്നേ ഉണ്ടായിരുന്നു . വാര്‍ഷികാഖോഷ പോസ്റ്റ്‌ എല്ലാരും വായിക്കണം എന്ന് അഭ്യര്‍ത്ഥിക്കുന്നു.

.. said...
This comment has been removed by the author.
.. said...

പ്രസിദ്ധര്‍ക്ക് അങ്ങനെ ചെയ്യാമെന്നാണോ?

(ആരും ഷെമിച്ചിറ്റ്ല്ലെങ്കിലും മ്മ്ക്ക് കൊയപ്പോല്ല)

Yasmin NK said...

നോക്കട്ടെ കമന്റാന്‍ പറ്റുമോന്ന്. ദേ ഉണ്ടല്ലൊ..
ആര്‍ക്കിട്ട് പണിഞ്ഞതാ മാഷേ..എനിക്കൊന്നും തിരിഞ്ഞില്ല.

വാല്യക്കാരന്‍.. said...

ന്തെത്താത് എല്ലാരും ഇങ്ങനെ തല്ലുണ്ടാക്കുന്നെ..

.. said...

..
“ന്ത്രാ ഇബ് ലീസെ ഞ്ഞി ഓനെയ്ത്യെനപ്പറ്റി മുണ്ടാണ്ട് ബന്നേക്കണ്ന്ന് ”ഹാജ്യാര്‍ എന്നെ തെറി വിളിച്ചു.

ശരിയാണ് ഞാനീ പോസ്റ്റിനെപ്പറ്റി ഒന്നും പറഞ്ഞില്ലല്ലോന്ന് ഓര്‍ത്തത് അങ്ങോര് പറഞ്ഞേനു ശേഷമാ. ഞാന്‍ കമന്റിക്കോളാം എന്നൊക്കെ ഹാജ്യാരോട് പറഞ്ഞ് സബൂറാക്കി..
*****
പൊസ്റ്റില്‍ പറഞ്ഞ പല കാര്യങ്ങളോടും ആദ്യം തന്നെ എതിര്‍പ്പ് രേഖപ്പെടുത്തുന്നു. കമന്റ് ചെയ്യുക, കമന്റ് അപ്പ്രൂവലിനു വെക്കുക, പ്രസിദ്ധീകരിക്കുക, കമന്റ് ബോക്സ് പൂട്ടുക - ഈ ഓപ്ഷനെല്ലാം ബ്ലോഗെന്ന ഉപാധിയില്‍ ഉള്ളതിനാല്‍ അതിനനുസരിച്ച് ബ്ലോഗ് സെറ്റ് ചെയ്യാന്‍ ബ്ലോഗര്‍ക്ക് അവകാശമില്ലെ? ഇല്ലെ എന്നല്ല, ഉണ്ട്.

പിന്നെ താല്‍പ്പര്യമുണ്ടെങ്കില്‍ താങ്കള്‍ക്ക് വായിക്കാം, വരാം, മെയിലിലേക്ക് എഴുതാം എന്നല്ലെ ഒരു വിശദീകരണക്കുറിപ്പിലൂടെ വായനക്കാരെ അറിയിക്കുന്നുള്ളു. അതില്‍ എന്താണ് പ്രശ്നം? എല്ലാരും ഇങ്ങനെ തുടങ്ങിയാലോ എന്ന ചിന്ത(കമന്റ്) - ബാലിശം തന്നെ, നമ്മള്‍ മനുഷ്യരാണ്, ചിന്ത ഒന്ന് പ്രവൃത്തി മറ്റൊന്ന് - എന്നതിനാല്‍ അത് നടക്കാന്‍ പോകുന്നില്ല!

കമന്റ് അപ്രൂവല്‍ -അക്ഷരത്തെറ്റുകള്‍, വിപരീതലിംഗബ്ലൊഗര്‍മാരുടെ കമന്റ്സ്, പുകഴ്ത്തല്‍, ഇകഴ്ത്തല്‍, സ്വാധീനിക്കാറുണ്ടായിരിക്കാം. എന്ന് വെച്ച് അടച്ചാക്ഷേപം പലരും അര്‍ഹിക്കുന്നില്ല.

ബ്ലോഗില്‍ കമന്റ് ചെയ്യാനുള്ള ഓപ്ഷനുണ്ടായിരിക്കെ, പല വിഷയങ്ങളെയും അധികരിച്ച്, പല ബ്ലോഗര്‍മ്മാരും (എന്റെ പരിമിത അറിവ്-തെളിവ് ഇല്ല) തെറിയഭിഷേകം ചെയ്ത് കൊണ്ട് മെയിലുകള്‍ അയക്കാറുണ്ട്. എന്ത് കൊണ്ട് അവര്‍ ബ്ലോഗില്‍ പറയുന്നില്ല?

അതിനെപ്പറ്റി എന്താണ് അഭിപ്രായം?

അഥവാ അത്തരം ആള്‍ക്കാര്‍ നേരിട്ട് കമന്റ് ചെയ്യുകയാണെങ്കില്‍-ഇവിടെ കമന്റ് ബോക്സ് തുറന്ന് വെക്കണോ, അപ്പ്രൂവലിനു വെക്കണോ? അത്തരം കമന്റുകള്‍ പ്രസിദ്ധീകരിക്കണോ?

പിന്നെ, വിമര്‍ശനം.
ഹ്ഹ്ഹ്!! വായനക്കാരനും എഴുത്തുകാരനും രണ്ട് തന്നെയാണ്. നല്ല വായനക്കാരന് എഴുത്തുകാരനോ മറിച്ചോ ആകണമെന്നില്ല. 10 ല്‍ 9 നല്ലത് മറന്ന് 1 നെപ്പറ്റി വിമര്‍ശിക്കുക്കുകയും ബാക്കി 9 മോശമായെന്ന് പറയുകയും ചെയ്യുന്നുവെങ്കില്‍ - അതാരായാലും ചോദിക്കേണ്ടത് തന്നെ! അത്തരത്തിലുള്ള ആരെയെങ്കിലും എനിക്ക് കാണാന്‍ പറ്റിയിട്ടില്ല. ഇവിടെ നല്ലത് കണ്ട് അത് പറയാതെ പോകുന്നത് കുറ്റമാണെന്നോ? ങെ?!

കമന്റുകളുടെ എണ്ണം, സംഭവം സത്യമാ, ഹിഹിഹി! മറ്റുള്ളോരുടെ പോസ്റ്റില്‍ കമന്റാതെ ആരെങ്കില്‍ എന്റെയും പോസ്റ്റില്‍ വരുമെന്ന് കരുതാന്‍ മാത്രം ഞാനും മൂഡനല്ല, ഹ് മം!

ദിവസം കുറേ പോസ്റ്റുകള്‍ ഇടുന്നവര്‍ - അലിയുടെ ഒരു പോസ്റ്റ് ഒര്‍മ്മയിലിരിക്കട്ടെ!!
സത്യം പറഞ്ഞാല്‍ ചില പോസ്റ്റുകള്‍ കണ്ടാല്‍ എന്തെ എനിക്കും അങ്ങനൊക്കെ എഴുതാന്‍ കഴിയാത്തതെന്നും, കമന്റുകള്‍ കിട്ടാത്തതെന്നും ആലോചിക്കാറുണ്ട്.

ഒരു കവിത

കാ കക്കിരി
കീ കീരിത്തള്ള
കൂ കൂറപ്പട്ടാളം
കൃ കഷ്ണനും രാധയും

കക്കിരി കട്ട കുറുക്കനും
പാമ്പിനെപ്പിടിച്ച കീരിക്കും
പാഷാണം തിന്ന കൂറകള്‍ക്കും
കൃഷ്ണനും രാധയും കാണാന്‍ മോഹം..

(ഉത്തരാധുനികനാ, വിശദീകരണവുമുണ്ട്-സന്തോഷ് പണ്ടിറ്റിന്റെ റിലീസിംഗിനും മുമ്പേ ഹിറ്റായ സിനിമ കാണാന്‍ ഭൂലോകമലയാളികള്‍ക്ക് ഔത്സുക്യം-അതാണ് സെക്കന്റ് സ്റ്റാന്‍സ, ആദ്യ സ്റ്റാന്‍സ, ഉദ്ദേശിച്ച അക്ഷരങ്ങള്‍ മലയാളത്തെയും അതില്‍ നിന്നും ഉത്ഭവിക്കുന്ന വാക്കുകളെയും അങ്ങനെ വാക്കുകളാല്‍ നിര്‍മ്മിക്കപ്പെട്ട പാട്ടുകളെയും-സിനിമയിലേത്- പ്രതിനിധീകരിക്കുന്നു.)

ഉത്തരാധുനിക കവിതയാ. ഈ കവിത എഴുതി മറ്റേയാള്‍ പൊസ്റ്റിയാല്‍ കമന്റ്സ് 100
ഞാന്‍ പോസ്റ്റിയാ ഒരുത്തനും ആ വഴി വരില്ല, എന്തെന്നാല്‍ ഞാന്‍ മറ്റുബ്ലൊഗില്‍ കമന്റാറില്ല!
..

.. said...

..
ബ്ലോഗെന്ന മാധ്യമത്തിലൂടെ താങ്കള്‍ പ്രയൊഗിച്ച് ഈ ആക്ഷേപഹാസ്യം നന്നായി ആസ്വദിച്ചു, അതിനാല്‍ത്തന്നെയാണ് ആദ്യവായനയില്‍ എന്റെ വിയോജിപ്പ് ഞാന്‍ മറന്നത്. അഭിനന്ദനങ്ങള്‍

ആശംസകളോടെ..
..
(നല്ലത് പറഞ്ഞില്ലേള്‍ നിങ്ങള്‍ എന്റെ വഴി വന്നില്ലെങ്കിലോ, എന്നല്ലാട്ടാ!)
..

Villagemaan/വില്ലേജ്മാന്‍ said...

നന്ദി..സൂര്യകണം..അമ്മാവന് അടുപ്പിലോ അലമാരയിലോ ആവാം എന്നൊക്കെ കേട്ടിട്ടുണ്ട്... അല്ലെന്നു അമ്മാവന്‍ പറയട്ടെ ;)
നന്ദി..മുല്ല..
നന്ദി..വാല്യക്കാരന്‍..

സൂര്യകണം..വീണ്ടും വന്നതില്‍ സന്തോഷം!പോസ്റ്റില്‍ പറഞ്ഞ കാര്യങ്ങളെ പറ്റി എതിര്‍പ്പ് പ്രകടിപ്പിക്കാന്‍ എല്ലാ അവകാശവും താങ്കള്‍ക്ക് ഉണ്ട്. ബ്ലോഗര്‍ക്കുള്ള അവകാശത്തെ പറ്റി പരിപ്പുവട ബ്ലോഗര്‍ ബോധവാന്‍ ആണല്ലോ ! പക്ഷെ അത് പറയുന്ന രീതിയില്‍ ആണ് കാര്യം!

പിന്നെ താല്പര്യം ഉള്ളവര്‍ക്ക് വായിക്കാം എന്ന് പ്രതെയ്കം പറയണോ? താല്പര്യം ഇല്ലെങ്കില്‍ രണ്ടാമത് വരുമോ ? ആലോചിച്ചു നോക്കു! പത്തു പേരെ എടുത്താല്‍ അതില്‍ വായിച്ചു മെയില്‍ ഒക്കെ അയക്കാനും മാത്രം നല്ലതാണെങ്കില്‍ അല്ലെ ആ പരിപാടിക്ക് അതില്‍ കുറെ ആള്‍ക്കാര്‍ പോകു ? ഒരു ദിവസം എത്ര ബ്ലോഗുകള്‍ പ്രസിദ്ധീകരിക്കുന്നു...എല്ലാത്തിലും പോകുന്നവര്‍ ആണെങ്കിലും വായിച്ചു നല്ലതെങ്കില്‍ മാത്രം കമന്റുന്നവര്‍ ആണ് ബഹു ഭൂരിപക്ഷവും എന്നതല്ലേ മാഷെ ശരി...ഇന്നലെ ഒരാളുടെ ബ്ലോഗിന്റെ സ്ക്രീന്‍ ഷോട്ട് കണ്ടു...വായിച്ചവര്‍ നാലായിരത്തില്‍ പരം..പക്ഷെ കമന്റുകള്‍ അതിന്റെ ഒരു ശതമാനം മാത്രം..ബാക്കി മൂവായിരത്തി അറുനൂറു പേരും മെയില്‍ അയക്കും എന്ന് തോന്നുന്നില്ല...ചിലപ്പോ ഒരു ശതമാനം കണ്ടേക്കാം .. പിന്നെ കമന്റുകള്‍ പരിപ്പുവട ബ്ലോഗര്‍ മാത്രം കണ്ടാല്‍ മതി, കണ്ടന്റ് അറിഞ്ഞാല്‍ മതി എന്നുണ്ടെങ്കില്‍ ഒന്നും പറയാനില്ല.. ആരോഗ്യകരമായ ഒരു ചര്‍ച്ച പലതിലും നടക്കുന്നുണ്ട്.അപ്പോള്‍ ആരോഗ്യകരമായ ഒരു പ്രവണതയില്‍ താല്പര്യം ഇല്ല എന്നല്ലേ അതിന്റെ അര്‍ഥം...ഇനി ആരോഗ്യകരമല്ലാത്ത കമന്റുകള്‍ ഡിലീട്ടനുള്ള സ്വാതന്ത്ര്യം ബ്ലോഗ്‌ ഉടമക്കുണ്ട് എന്ന് കരുതുന്നു..



തെറി മെയിലുകള്‍ അയക്കുന്നത് ഒരു ചീത്ത പ്രവണത ആണ്..അംഗീകരിക്കുന്നു...പക്ഷെ എലിയെ പേടിച്ചു ഇല്ലം ചുടണോ ? കമന്റ് എപ്പ വേണേലും ..അല്ലെ ?

പിന്നെ പരിപ്പുവട ബ്ലോഗര്‍ സ്വന്തം ബോക്സ്‌ മാത്രാ അടക്കണേ ! അയലോക്കത്തെ ബോക്സില്‍ പോവില്ല എന്ന് പറഞ്ഞിട്ടില്ല കേട്ടോ!

മറ്റു ബ്ലോഗുകളില്‍ കമന്ടിയില്ലേലും നല്ല സാധനം എഴുതിയാല്‍ കമന്റു കിട്ടും...നമ്മുടെ ഇടയില്‍ എത്രയോ ബ്ലോഗര്‍ മാര്‍ ഉണ്ട് അങ്ങിനെ... എന്നെ പോലെ ക്രാപ്പ് എഴുതുന്നവര്‍ അല്ല മാഷേ എല്ലാരും !

സൂര്യകണം തുറന്നെഴുതിയത്തില്‍ സന്തോഷം...വീണ്ടും കാണാം...ആരോഗ്യകരമായ ഒരു ചര്‍ച്ചക്ക് പരിപ്പുവട ബ്ലോഗര്‍ എന്നും സന്നദ്ധനാണ് കേട്ടോ...ആരോഗ്യകരമായത് മാത്രം !

Villagemaan/വില്ലേജ്മാന്‍ said...

@ sooryakanam :നല്ലത് കമന്റിട്ടു എന്ന് കരുതി വരില്ല മാഷെ...വിമര്‍ശനം എഴുതി എന്ന് കരുതി വരാതിരിക്കയും ഇല്ല..


നന്മയെ എന്നും അംഗീകരിക്കുന്ന ഒരു മനസ്സുണ്ടായി പോയി!

.. said...

..
“അപ്പോള്‍ ആരോഗ്യകരമായ ഒരു പ്രവണതയില്‍ താല്പര്യം ഇല്ല എന്നല്ലേ അതിന്റെ അര്‍ഥം..”
ഐക്യദാര്‍ഡ്യം പ്രഖ്യാപിക്കുന്നു. ആക്ഷേപത്തില്‍ ഇതുള്‍ക്കൊള്ളിക്കാമായിരുന്നു, അതോ ഞാന്‍ കാണാതെ പോയോ?

4000 പേജ് ഹിറ്റ്സ്. ഇത് ശുദ്ധാസംബന്ധമാകുന്നു. താങ്കള്‍ ഇന്ന് 100 പ്രാവശ്യം സ്വയം നിങ്ങളുടെ പേജ് വിസിറ്റ് ചെയ്യൂ, 100 അവിടെ അഡീഷണല്‍ ആകും. ഈ 4000 ല്‍ സ്വയം വിസിറ്റെഡ് ആയതെത്രാണെന്ന് മനസ്സിലാക്കാന്‍ വകുപ്പില്ല. അതിനാല്‍ പേജ് ഹിറ്റിന്റെ കാര്യം കളഞ്ഞേക്കു!!

“മറ്റു ബ്ലോഗുകളില്‍ കമന്ടിയില്ലേലും നല്ല സാധനം എഴുതിയാല്‍ കമന്റു കിട്ടും.”
അങ്ങനെ അഭിപ്രായങ്ങള്‍ കിട്ടുന്ന ബ്ലോഗുകള്‍ തുലോം കുറവാണ്. ഒരുപാട് ഉദാഹരണങ്ങളുണ്ട്.

അതേപോലെ കമന്റുകള്‍ ഒരുപാടുള്ള പല ബ്ലോഗ് പോസ്റ്റിന്റെ നിലവാരവും ഓര്‍ക്കുക.
..

.. said...

..
മറ്റു ബോക്സിലേക്ക് പോകുന്നത്, അതങ്ങേരുടെ സ്വാതന്ത്ര്യമല്ലേ? :)
തെറ്റുകളെപ്പറ്റി വിമര്‍ശിക്കട്ടെ.

എല്ലാ വിമര്‍ശനവും ശരിയാണെന്ന അഭിപ്രായമില്ല. അറിവില്ലായ്മയാല്‍ തെറ്റായ വിമര്‍ശനം ഉന്നയിക്കപ്പെടാം, അത് തിരുത്തേണ്ടത് അങ്ങനെയുള്ള വിമര്‍ശനങ്ങളെ കാര്യഗൗരവത്തോടെ സമീപിച്ചാകണം.

തീയില്‍ തൊട്ടാല്‍ പൊള്ളുമെന്നത് മനസ്സിലാകുന്നത് അനുഭവത്തില്‍ നിന്നാണ്, അത് സംശയമാകുന്നതും ഏതെങ്കിലും രീതിയില്‍ വിമര്‍ശനമാകുന്നതും കണ്ടാല്‍, അതിനെ ബാലിശമെന്ന് പറയുമ്പോള്‍ ആ പറയുന്ന ആളാണ് തെറ്റുകാരന്‍.

അറിവില്ലെന്നതും എഴുത്തുകാരുടെ ചില പ്രയോഗങ്ങളും പലപ്പോഴും പലതിനെയും വായനക്കാരെ മനസ്സിലാക്കിക്കേണ്ടതായി വരാറുണ്ട്. അത്തരം നിര്‍വ്വചനങ്ങളിലൂറ്റെ മാത്രമേ പല എഴുത്തും ചില വിമര്‍ശനങ്ങള്‍ക്ക് മറുപടിയാകുന്നുള്ളു (എല്ലാവരുടേയും ബൗദ്ധികനിലവാരം ഓര്‍ക്കുക). അല്ലാതെ അതിനെ എഴുത്തുകാരും വായനക്കാരും വൈകാരികമായ് സമീപിച്ച് വിമര്‍ശകരുടെ വായടപ്പിക്കുകയല്ല ചെയ്യേണ്ടത്.
..

ചീരാമുളക് said...

ആദ്യമായിട്ടാണു ഈ ബ്ലോഗ് വായിക്കുന്നത്. ഫയങ്കര ധൈര്യം തന്നെ. രണ്ട് വർഷത്തിനു ശേഷം ലീവിൽ നാട്ടിൽ വരുന്ന പുതിയാപ്ലയെ കാത്തിരിക്കുന്ന പോലെയാ ബൂലോഗത്തു നിന്നൊരു കമന്റ് വരുന്നതും കാത്ത് എന്നെപ്പോലുള്ള പുതുബ്ളോഗന്മാർ നോമ്പു നോറ്റിരിക്കുന്നത്. അപ്പോഴാ കമന്റ് വേണ്ടാ എന്നും പറഞ്ഞ്.... ഇതിലും ധൈര്യം മ്മടെ റൗഫിനു മാത്രമേ കണ്ടിട്ടുള്ളൂ.

Villagemaan/വില്ലേജ്മാന്‍ said...

സൂര്യകണം...താങ്കള്‍ പറഞ്ഞത് ശരിയാകാം...നാലായിരം ഹിറ്റില്‍ കുറെ സ്വന്തം പേജ് വിസിറ്റും ആകാം..വലിയ പിടിയില്ല...ഒരു ബ്ലോഗരുടെ സ്ക്രീന്ഷോട്ട് കണ്ടു ..അതിന്റെ ആധികാരികതയെ പറ്റി പറയാന്‍ ഞാന്‍ ആളല്ല...എന്റെ ബ്ലോഗ്‌ അല്ലല്ലോ..

ഇത് വളരെ ആലോചിചെഴുതിയ പോസ്റ്റ്‌ അല്ല..പ്രചോദനം ഉണ്ടാകുന്നത് പലര്‍ക്കും പല രീതിയില്‍ ആണല്ലോ.

പിന്നെ പോസ്റ്റിനെ പറ്റി പുതുതായി ഒന്നും പറയാന്‍ ഇല്ല.ഞാന്‍ എഴുതിയത് ചിലപ്പോള്‍ ശരി ആകാം..തെറ്റും ആകാം.. എന്റെ ശരി താങ്കള്‍ക്ക് തെറ്റ് ആകാം...അതേപോലെ തിരിച്ചും.അത് കൊണ്ട് ഇനി നമ്മള്‍ക്ക് വേറെ എന്തെങ്കിലും പറഞ്ഞു കൂടെ ?തികച്ചും ആരോഗ്യകരമായ ഒരു സംവാദത്തില്‍ പങ്കാളി ആയതില്‍ സന്തോഷമുണ്ട്. പലയിടത്തും അത് കാണാറില്ലല്ലോ.

നന്ദി...ചീരാ മുളക്...ഈ ആദ്യ വരവിനും അഭിപ്രായത്തിനും.പിന്നെ ധൈര്യം വളരെ കുറവാണ് കേട്ടോ !

ഇ.എ.സജിം തട്ടത്തുമല said...

അപ്പോ ബോക്സ് അടയ്ക്കുന്നില്ലേ? നന്നായിട്ടിണ്ട്!

സ്വപ്നജാലകം തുറന്നിട്ട്‌ ഷാബു said...

വില്ലേജ് മാന്‍, അപ്പോള്‍ എനിക്ക് മുമ്പേ കേറി കൊത്തി. അല്ലേ? :-) ഏതായാലും നന്നായിരിക്കുന്നു. അഹങ്കാരം വച്ച് പൊറുപ്പിക്കരുത്. അഭിനന്ദനങ്ങള്‍!!

റോസാപ്പൂക്കള്‍ said...

വിമര്‍ശനങ്ങളോടു ഇത്ര അസഹിഷ്ണുത എന്തിനെന്ന് മനസ്സിലാകുന്നില്ല. അച്ചടി മാധ്യമത്തെ അപേക്ഷിച്ച് ബ്ലോഗുകള്‍ക്കുള്ള വലിയ മേന്മയാണ് കമന്റുകളിളൂടെ സംവദിക്കാനാവും എന്നത്.
കമന്റു സഹിക്കാന്‍ ശക്തിയില്ലാത്തവര്‍ സ്വന്തം ഇഷ്ടത്തിനൊത്തു ചെയ്യട്ടെ.
എന്റെ ബ്ലോഗ്‌ ഞാനെന്തും ചെയ്യും.നിങ്ങള്‍ക്കെന്താ..

(ഷാബുവിന്റെ ബ്ലോഗു വായിച്ചു കഴിഞ്ഞപ്പോഴാണ് ഇവിടെ പരിപ്പുവടയും ചായയും ഒരുക്കി വെച്ചിട്ടുണ്ടെന്ന് അറിഞ്ഞത്.സംഭവം കൊള്ളാം കേട്ടോ)

കാഴ്ചകളിലൂടെ said...

മറ്റു ചിലര്‍ക്ക് പഠിക്കുകയാണോ

Villagemaan/വില്ലേജ്മാന്‍ said...

നന്ദി സജീം ...ഈ വരവിനും അഭിപ്രായത്തിനും...ബ്ലോഗ്‌ മീറ്റില്‍ പരിചയപ്പെട്ടതിനു ശേഷം ഉള്ള ഈ ആദ്യ വരവില്‍ വളരെ ഏറെ സന്തോഷം ..

നന്ദി ഷാബു..വളരെ നന്നായിരുന്നു താങ്കളുടെ പോസ്റ്റ്‌ എന്ന് പറയുന്നതില്‍ സന്തോഷം ഉണ്ട്...

നന്ദി റോസാ പൂക്കള്‍ ..

നന്ദി..കാഴ്ചകളിലൂടെ ...അങ്ങനെ തോന്നിയോ ?


ഈ പോസ്റ്റ്‌ ആണ് ആദ്യമായി ഇത്ര ചെറിയ ദിവസങ്ങള്‍ക്കുള്ളില്‍ കൂടുതല്‍ പേര്‍ വായിച്ചത് എന്ന് തോന്നുന്നു. എന്നാല്‍ എന്റെ ബ്ലോഗ്‌ സ്ഥിരമായി വായിക്കുന്ന പലരും ഈ പോസ്റ്റില്‍ കമന്ട് (അത് അനുകൂലമോ പ്രതികൂലമോ ആവട്ടെ) ഇടുന്നില്ലല്ലോ എന്നോര്‍ത്ത് ഒരു ചെറിയ സങ്കടം. മോശം പോസ്റ്റ്‌ ആയി തോന്നുന്നു എങ്കില്‍ മോശം എന്നെഴുതു.. യാതൊരു വിഷമവും ഇല്ല.. സന്തോഷമേ ഉള്ളു.

കൂതറHashimܓ said...

പരോക്ഷ പരാമര്‍ഷ പോസ്റ്റാണ് ആദ്യം വയിച്ചത്.
ബ്ലോഗിന്റെ ത്രില്ല് തന്നെ കമന്റിലൂടെ സംവദിക്കാം എന്നത് തന്നെ
അതിനു പറ്റാത്തവ ബ്ലോഗായി കാണാന്‍ ഇഷ്ട്ടമല്ലാ.
എന്റെ വായ മൂടികെട്ടി എന്നെ വായിപ്പിക്കാന്‍ ശ്രമികുന്നത് അഗീകരിക്കില്ലാ.
കമന്റ് ഡിലീറ്റുന്നതു പോലുള്ള മണ്ടത്തരം (ചെറ്റത്തരം) തന്നെയാണ് കമന്റാനുള്ള ഓപ്ഷന്‍ ഇല്ലാതാക്കുന്നതെന്ന് എന്റെ കാഴ്ച്ചപ്പാട്

പിന്നെ എന്റെ ബ്ലോഗ്... എന്റെ സമയം.. ഗൂഗിളിന്റെ ഔതാര്യം എന്ന റൂട്ട് ആണെങ്കില്‍ നോ മോര്‍ കമന്റ്.

(പാരഡി പോസ്റ്റ് ഇത്തിരി ഇഷ്ട്ടായി)

Njanentelokam said...

പ്രിയ ഗ്രാമീണാ,
ആര്‍ക്കിട്ടു താങ്ങിയതാനെന്കിലും വെറുതേ കല്ലെടുത്തെറിഞ്ഞത് ചിലരുടെയെങ്കിലും മണ്ടയ്ക്ക് കൊണ്ടതാനെന്കിലും സംഭവം കുറെ കാര്യങ്ങള്‍ പലര്‍ക്കും ചിന്തിക്കാന്‍ അവസരമുണ്ടാക്കി.അതില്‍ നിന്നും ആരും ഒന്നും പഠിച്ചോന്നും കാണില്ല.അങ്ങിനെ പ്രതീക്ഷ വേണ്ട. ഇത് വായിക്കുന്നവരും നിര്‍ഭാഗ്യവശാല്‍ ബ്ലോഗ്ഗെര്മാര്‍ തന്നെയല്ലേ? പിന്നെ നിങ്ങളും സൂര്യകണവും പറഞ്ഞതില്‍ രണ്ടിലും കുറേ കാര്യങ്ങളുണ്ട്.പക്ഷെ നിങ്ങള്‍ രണ്ടു പേരും സമാന്തരമായി പോകുന്ന റയിലിലൂടെ നടക്കുകയല്ലേ. നടക്കാന്‍ തുടങ്ങിയിട്ട് കുറേ നേരവുമായി. നിങ്ങളെ രണ്ടു പേരെയും ഒരു കാര്യം അറിയിക്കട്ടെ വണ്ടി വരാറായി. നിങ്ങളെ രണ്ടു പേരെയും ഞങ്ങള്‍ക്ക് വേണം. അത് കൊണ്ട് ഇറങ്ങി കൈ കൊടുത്ത് ബ്ലോഗനാര്‍ക്കാവിലമ്മയ്ക്ക് സ്തുതി പറഞ്ഞു പിരിഞ്ഞു പോകാന്‍ അപേക്ഷിക്കുന്നു. അടുത്ത പൂരത്തിനും വെടിക്കെട്ട്‌ തീര്‍ച്ചയായും കാണും. പിന്നെ ഞാന്‍ പോസ്റ്റും കമന്റും ഒക്കെ വായിക്കുന്ന കൂട്ടത്തിലാ മനസ്സില്‍ തട്ടുന്നത് എവിടെ നിന്നും കിട്ടുമെന്ന് പറയാനാവില്ല.

ഈ ബ്ലോഗ് പ്രസ്ഥാനം തന്നെ ഒരു പരസ്പര സഹന സഹായ സഹകരണ സംഘമല്ലേ?

.. said...

..
@ഞാന്‍

systemdotanalysingdotstoppeddotfromdotondotlastdotcommentdotbydotvillagemandot

saveddotpermanentlydot

ഹ്ഹ്ഹ്ഹ് ;)!!
..

Villagemaan/വില്ലേജ്മാന്‍ said...

നന്ദി..ഹാഷിം..

നന്ദി..ഞാന്‍...ഈ അഭിപ്രായത്തിനു...ഇന്നലെ തന്നെ ഞാന്‍ കൈ കൊടുത്തുവല്ലോ...ഇനി ഒന്നുകൂടി കൊടുക്കണോ..അതിനും റെഡി ! കൊടുക്കാന്‍ കൈയും മനസും ഉണ്ടെങ്കില്‍ പിന്നെ എന്താ മാഷേ കുഴപ്പം !

@ സൂര്യകണം...കൊട് കൈ !

- സോണി - said...

system analysing stopped
from on last comment by villageman
saved permanently

എന്ന് വച്ചാല്‍ എന്താ? ആര്‍ക്കെങ്കിലും മനസ്സിലായോ? എനിക്ക് മനസ്സിലായത്‌, ഇത് വില്ലേജ്‌ മാന്റെ ലാസ്റ്റ്‌ (ഒടുക്കത്തെ) കമന്റ് ആണെന്നും അദ്ദേഹത്തിന്‍റെ സിസ്റ്റം മുഴുവന്‍ തകരാറില്‍ ആണെന്നും അദ്ദേഹത്തെ ദൈവം എന്നെന്നേയ്ക്കുമായി രക്ഷിക്കട്ടെ എന്നുമാണ്.

Villagemaan/വില്ലേജ്മാന്‍ said...

ദൈവമേ...ഇതിനിങ്ങനെയും ഒരു അര്‍ത്ഥമോ....പരിപ്പുവട ബ്ലോഗിന്റെ കട്ടയും പടവും മടങ്ങുമോ !

@ സോണി...എവിടാ ജോലി! ഗവര്‍മെന്റ് തന്നെ...? ഹി ഹി

Lipi Ranju said...

അപ്പൊ പണി തുടങ്ങി... അല്ലേ ! ഇത് കാണാന്‍ വൈകി , വായിച്ചു വന്നപ്പോ ഞാന്‍ കരുതി ഇനി തമാശയായിട്ടാണെങ്കിലും ഇവിടെയും കമന്റ് ബോക്സ്‌ അടച്ചോ എന്ന് ... :))

പടാര്‍ബ്ലോഗ്‌, റിജോ said...

ഇത് കസറി. നമ്മളും ഇതേ ചിന്താഗതിക്കാരനാ....

Kalavallabhan said...

കൊച്ചി കണ്ടാപ്പിന്നെ ...

ഇസ്മായില്‍ കുറുമ്പടി (തണല്‍) shaisma@gmail.com said...

'വില്ലേജ്‌മാന്‍' സിറ്റിമാനെ' പ്പോലെ സംസാരിക്കുന്നോ?
ഇങ്ങനെയൊക്കെ എഴുതിയാല്‍ താങ്കളുടെ സിസ്റ്റം വൈറസ്‌ കേറി മരിക്കും..

Villagemaan/വില്ലേജ്മാന്‍ said...

നന്ദി..ലിപി..ഇത് മൊത്തം അങ്ങ് കളഞ്ഞാലോ എന്നാ ആലോചന..

നന്ദി..റിജോ..ഇതേപോലെ ചിന്തിക്കുന്ന ചിലര്‍ എങ്കിലും ഉണ്ടല്ലോ..

നന്ദി..കലാ വല്ലഭന്‍..കൊച്ചി കണ്ടതാ കുഴപ്പം എന്ന് എനിക്കും തോന്നി !

നന്ദി..തണല്‍...അയ്യോ അങ്ങനെ ഒന്നും പറയല്ലേ..ഞാന്‍ ഒരു പാവം !

Manoraj said...

അവധി കഴിഞ്ഞു...പണി തുടങ്ങി...ഇതൊരു "പണി " ആണെന്ന് ആര്‍ക്കെങ്കിലും തോന്നിയാല്‍...അതൊരു തോന്നല്‍ മാത്രം ആയിരിക്കട്ടെ..ഞാന്‍ ഒരു പാവം പ്രവാസി !

പണിയാണെന്ന് മനസ്സിലായി.. നടക്കട്ടെ.. നടക്കട്ടെ..:):)

Villagemaan/വില്ലേജ്മാന്‍ said...

നന്ദി മനോരാജ് . ..ബ്ലോഗ്‌ മീറ്റില്‍ കണ്ടതിനു ശേഷമുള്ള ഈ ആദ്യ വരവിനും അഭിപ്രായത്തിനും !

manas said...

ഇപ്പൊ എല്ലാം മനസിലായി .....പരിപ്പുവട പപ്പടം ആയി ......

ചെറുത്* said...

പോസ്റ്റും അഭിപ്രായങ്ങളും വായിച്ചു. പക്ഷേ നിങ്ങള് ചെയ്തത് ശര്യായില്ല ഗ്രാമീണാ. ചെറുതിന് എന്തൊക്കെയോ പറയണമെന്നുണ്ടായിരുന്നു. പക്ഷേ ഇവ്ടെ കമന്‍‌റ് ബോക്സ് അടച്ചിട്ടിരിക്കുവല്ലേ. എന്തോ ചെയ്യും!!!?

മെയിലാനിപ്പൊ സൌകര്യല്ല.

ശങ്കരനാരായണന്‍ മലപ്പുറം said...

കുടിയന്മാര്‍ പുളിച്ചികള്‍ മാത്രമല്ല മിസ്റ്റര്‍ വില്ലേജ്മാന്‍. കുടിയന്മാര്‍ (നമ്മുടെ നാട്ടിലെ കുടിയന്മാരുടെ കാര്യമാണ് പറയുന്നത്) സ്വാര്‍ത്ഥന്മാരുമാണ്. വീട്ടില്‍ അമ്മയും ഭാര്യയും മകളും സഹോദരിയുമൊക്കെയുള്ളപ്പോള്‍ അവര്‍ക്കൊന്നും സുഖം നല്‍കാതെ സ്വന്തം സുഖം മാത്രമാണ് ഈ അല്പന്മാര്‍ നോക്കുന്നത്. എന്താ ഈ പെണ്ണുങ്ങള്‍ക്കൊന്നും സുഖവും സംതൃപ്തിയും മാനസികോല്ലാസവുമൊന്നും കിട്ടേണ്ടേ? ഇവരെന്താ കടലാസ്സില്‍ നിന്നു വെട്ടിയവരോ? ഇവരോട് സ്‌നേഹമുള്ളവര്‍ എന്താണ്‌ ചെയ്യേണ്ടതെന്നോ? കുപ്പി വാങ്ങി വീട്ടില്‍ കൊണ്ടുപോയി അമ്മയ്ക്കും ഭാര്യക്കും മകള്‍ക്കും സഹോദരിക്കുമൊപ്പമിരുന്ന് കുടിച്ച് 'ആമിനാമിനാ വെച്ചോ വെച്ചോ ആമിനാമിനാ'എന്നോ മറ്റോ പാടി നൃത്തമാടി ഉല്ലസിക്കുകയാണ് വേണ്ടത്.