Dec 22, 2010

ഗ്രാന്‍ഡ്‌ കേരള തസ്കര ഫെസ്റ്റ് 2010

(ഓള്‍ കേരള തസ്കര അസോസിയേഷന്‍ A.K.T.A ( u) വാര്‍ഷികത്തില്‍ പ്രസിഡണ്ട്‌ കഴുക്കോല്‍ സാബു നടത്തിയ പ്രസംഗത്തിന്റെ തല്‍സമയ സംപ്രേക്ഷണം )


പ്രിയ തസ്കര സഹോദരീ സഹോദരന്മാരെ..


ഈ വേദിയില്‍ നിങ്ങളെ ഇന്നു അഭിസംബോധന ചെയ്യാന്‍ സാധിക്കും എന്ന് ഒരിക്കലും വിചാരിച്ചതല്ല.ഔദ്യോകിക തിരക്കുകള്‍ മൂലം ഇന്ന് കാലത്തേ നേരെ സബ് ജയിലില്‍ നിന്നാണ് ഞാന്‍ വരുന്നത്. മാറിവരുന്ന പോലീസ് അധികാരികളില്‍ നിന്നും പൌര സമിതികളില്‍ നിന്നും ഉള്ള പീഡനം കൂടാതെ നമ്മുടെ ഏകോദര സഹോദരന്മാരായ രാഷ്ട്രീയക്കാരില്‍ നിന്നും വരെ ഉപദ്രവം നേരിടേണ്ടി വരുന്ന ഇക്കാലത്ത്,നമ്മള്‍ പുതുമയാര്‍ന്ന മാര്‍ഗങ്ങള്‍ സ്വീകരിച്ചേ മതിയാവു . ഹൈ ടെക് ബ്ലൂ ചിപ്പ് സാധനങ്ങളായ ആക്സോ ബ്ലേഡ്, പാര എന്നിവയ്ക്ക് പകരം നമ്മള്‍ പുതിയ മാര്‍ഗങ്ങള്‍ കണ്ടു പിടിക്കേണ്ട കാലം അതിക്രമിച്ചിരിക്കുന്നു..







ആദ്യമായി, കഴിഞ്ഞ വര്‍ഷത്തെ തസ്കര ശ്രീ നോമിനേഷനുകള്‍.


1. എയര്‍പോര്‍ട്ട് അനി.. വിമാനത്താവളം, കൊച്ചി

2. മാടന്‍ പൌലോ.തമ്പാനൂര്‍ ബസ്‌ സ്റ്റാന്റ്

3 .അവില്‍ ജോണി..നീണ്ടകര.




തസ്കര തസ്കര ശ്രീമതി നോമിനേഷനുകള്‍


1 . പൊന്നമ്മ അക്കന്‍, തിരുവന്തോരം.

2 .ബ്ലേഡ് മറിയ,കൊച്ചി

3 . ഷീലാമ്മ കോട്ടയം..




ഭൂരിപക്ഷ വോട്ടുകളുടെ അടിസ്ഥാനത്തില്‍ നാലു മണിക്കൂറു നേരം തിരുവനന്തപുരം സിറ്റിയെ മുള്‍മുനയില്‍ നിറുത്തി ആറു മാല പൊട്ടിച്ച കേസിലെ പ്രതി മാടന്‍ പൌലോയെ തസ്കരശ്രീ ആയും തസ്കര ശ്രീമതി ആയി തമ്പാനൂര്‍ റെയില്‍വേ സ്റ്റേഷന്‍ ഓവര്‍ ബ്രിഡ്ജില്‍ രാത്രി രണ്ടു മണിക്കൂറിനുള്ളില്‍,അഞ്ചു പുരുഷന്മാരെ വശീകരിച്ചു പണം പിടിങ്ങുന്നതിനിടെ പിടിയിലായപൊന്നമ്മ അക്കനെയും തിരഞ്ഞെടുത്തിരിക്കുന്ന വിവരം സസന്തോഷം അറിയിച്ചു കൊള്ളുന്നു.പൊന്നമ്മ അക്കന് ഈ കാര്യത്തില്‍ എല്ലാ സഹായവും ചെയ്തു കൊടുക്കുന്ന ഭര്‍ത്താവ് ചിട്ടി മണിയന് ജട്ജസിന്റെ പ്രത്യേക പരാമര്‍ശം ഉണ്ട് എന്നും അറിയിക്കട്ടെ.



നാളെ കാലത്തേ നടത്താന്‍ അവകാശ പ്രഖ്യാപന ജാഥ ഒരു വന്‍ വിജയമാക്കണമേ എന്ന് ഞാന്‍ അപേക്ഷിക്കുകയാണ്.തദവസരത്തില്‍ നമ്മുടെ ചിരകാല ആവശ്യമായ തസ്കര തിരിച്ചറിയല്‍ കാര്‍ഡ്‌ ഒരു യാഥാര്‍ത്ഥ്യം ആക്കണമെന്ന ആവശ്യം ഉന്നയിക്കുന്നതാണ്. അങ്ങനെ മനസാ വാചാ അറിയാത്ത കേസുകളില്‍ ഉണ്ടാവുന്ന പീഡനം ഒരു വിധത്തില്‍ കുറക്കാന്‍ പറ്റും എന്നാണ് ഞാന്‍ കരുതുന്നത്..അന്യ സംസ്ഥാന തസ്കര തൊഴിലാളികളുടെ ഭീഷണി വര്‍ധിച്ചു വരുന്ന സാഹചര്യത്തില്‍ ജോലി നഷ്ടമാകുന്ന നമ്മുടെ ഇടയിലെ പാവങ്ങള്‍ക്ക് സര്‍ക്കാര്‍ ജോലിക്ക് സംവരണം,പോലീസിന്റെ ഇടി മേടിച്ചു ആരോഗ്യം പോയ അംഗങ്ങള്‍ക്ക് ചികിത്സാ സഹായം, ക്ഷേമനിധി എനീ ആവശ്യങ്ങളും നിവേദനത്തില്‍ ഉണ്ടാവും. തമിഴ് നാടിലെ തസ്കര ഗ്രാമം പോലെ ഇവിടെയും ഒരെണ്ണം സ്ഥാപിക്കാനും,തസ്കരരുടെ മക്കള്‍ക്ക്‌ വിദ്യാഭ്യാസം സൌജന്യമാക്കാനും ആവശ്യപെടുന്നതാണ്. തസ്കരരുടെ മക്കള്‍ കളവിന്റെ പൊതു ധാരയില്‍ നിന്നും അകന്നു പോകാതിരിക്കാനും,സമൂഹത്തില്‍ മാന്യമായി കഴിയുന്ന നമ്മെ വെറും കള്ളന്മാരായി കണ്ടു നമ്മുടെ അടുത്ത തലമുറയെ വഴി തിരിച്ചു വിടാതിരിക്കാനും ഇതൊക്കെ ആവശ്യമാണ്..





തസ്കര ബോധ വല്‍ക്കരണ വര്‍ക്ക്‌ഷോപ്പുകള്‍ സംഖടിപ്പിക്കുക, പുതുതായി ഇറങ്ങുന്ന മലയാളം, തമിഴ് , ഹിന്ദി, ചിത്രങ്ങളില്‍ വരുന്ന നവീന മാര്‍ഗങ്ങളെ കുറിച്ച് ക്ലാസുകള്‍ എടുക്കാന്‍ വിദഗ്ധ കള്ളന്മാരുടെ ഒരു പാനല്‍ തയ്യാറാക്കുക, തസ്കരര്‍ക്ക് വാഹനം ഓടിക്കല്‍ പരിശീലനം നല്‍കുക എന്നിവ ഉള്‍പ്പെടെ,ഈ സമൂഹത്തില്‍ തസ്കരന്മാര്‍ക്ക് നേരിടേണ്ടി വരുന്ന എല്ലാ ബുധിമുട്ടുകക്കും പരിഹാരമുണ്ടാക്കുക എന്നതും പരിഗണയില്‍ ഉണ്ട്.



പൊതു യോഗത്തിന് ശേഷം, പ്രശസ്ത മോഷണ ചിത്രങ്ങള്‍ ആയ തസ്കരവീരന്‍, കളിക്കളം, മുതലായവയുടെ പ്രദര്‍ശനം ഉണ്ടായിരിക്കുന്നതാണ്.തസ്കര സഹോദരങ്ങളുടെ ശ്രദ്ധ നയന്‍ താരയുടെ മാദക രംഗങ്ങളിലേക്ക് തിരിയാതെ മോഷണ രംഗങ്ങളില്‍ മാത്രം കേന്ദ്രീകരിക്കണമേ എന്ന് ഞാന്‍ വിനീതനായി അഭ്യര്‍ഥിക്കുന്നു.




അപ്രതീക്ഷിതമായി വ്യാജ പി.എസ്.സി രിക്രുട്ട്മെന്റ്റ് കേസില്‍ പെട്ടുപോയ ഇടുക്കിയിലെ സര്‍ക്കാര്‍ ജീവനക്കാരന്റെ അഭാവത്തില്‍ ഓള്‍ കേരള തസ്കര ഫെസ്റ്റ് ഉല്‍ഖാടനം ചെയ്തതായി ഞാന്‍ പ്രഖ്യാപിക്കുന്നു.നാല് വിഭാഗങ്ങളില്‍ ആയി വന്‍ സമ്മാനങ്ങള്‍ ആണ് നിങ്ങളെ കാത്തിരിക്കുന്നത് .ഭവന ഭേദനം, സ്വര്‍ണാഭരണ കവര്‍ച്ച, പോക്കറ്റടി, പിടിച്ചുപറി എന്നീ വിഭാഗങ്ങളില്‍ ഒന്നാമതെത്തുന്ന മോഷ്ട്ടാക്കള്‍ക്ക്, കളിപ്പിക്കല്‍ ജുവലറി നല്‍കുന്ന വിലയേറിയ സ്വര്‍ണാഭരണങ്ങള്‍ ഉണ്ടായിരിക്കുന്നതാണ്..പിന്നെ നവ മോഷണ ദമ്പതികള്‍ക്ക് വെട്ടിക്കല്‍ & തട്ടിക്കല്‍ ട്രാവെല്‍സ് കൊടുക്കുന്ന "പോക്കറ്റടി ഇല്ലാത്ത നാടുകളിലേക്ക് ഉല്ലാസ യാത്ര"എന്ന ടൂര്‍ പാക്കേജ് ആണ് ആണ് മറ്റൊരു ആകര്‍ഷണം.ഏവരും ഈ അവസരം വിനിയോഗിച്ചു ഈ വര്‍ഷത്തെ തസ്കര ഫെസ്റ്റ് ഒരു വമ്പിച്ച വിജയം ആക്കണം എന്ന് വിനീതനായി അഭ്യര്‍ഥിക്കുന്നു.








ഇന്നു ഈയോഗത്തിന് ശേഷം നടത്തുന്ന സിമ്പോസിയത്തില്‍ പ്രശസ്ത ജ്യോതിഷ വിദ്വാന്‍ ഡോ.കിളിമാനൂര്‍ രാധാകൃഷ്ണന്‍ " തസ്കര ജീവിതത്തില്‍ യന്ത്രങ്ങളുടെ പങ്ക് " എന്ന വിഷയം അവതരിപ്പിക്കും.. അതുപോലെ തന്നെ യോഗത്തിന് ശേഷം നമ്മുടെ പ്രധാന പ്രശ്നമായ തമിഴന്‍ മോഷ്ട്ടക്കള്‍ക്ക് ഒരു പണി എന്ന നിലക്ക് നടക്കുന്ന "അന്യ സംസ്ഥാന തസ്കര പുഷ്പാഞ്ജലി"ഒരു വന്‍ വിജയമാക്കാന്‍ എല്ലാരോടും അഭ്യര്‍ത്ഥിക്കുന്നു.






മൈക്ക് സെറ്റുകാരുടെ ശ്രദ്ധയ്ക്ക്‌..പൊതു യോഗത്തിന് ശേഷം മൈക്ക് സെറ്റുകളുടെ ഉത്തരവാദിത്തം കമ്മിറ്റിക്ക് ഉണ്ടായിരിക്കുന്നതല്ല.മറ്റൊരു പ്രധാന അറിയിപ്പ്,ബീവരജെസ് കോര്‍പറേഷന്‍ വില്‍പ്പന ശാലക്കടുത്തു നില്പന്‍ അടിക്കുന്ന എല്ലാ തസ്കര സുഹുരുതുക്കളും സ്വന്തംപണം കൊടുത്തു ഭക്ഷണം കഴിക്കേണ്ടതാണ്..




ഞങ്ങളുടെ ക്ഷണം സ്വീകരിച്ചു ഇവിടെ എത്തിയ എല്ലാ തസ്കര ശ്രീകള്‍ക്കും ശ്രീമതികള്‍ക്കും നന്ദി നമസ്കാരം..

പ്രതികരണങ്ങള്‍:

11 അഭിപ്രായ(ങ്ങള്‍):

ചാണ്ടിക്കുഞ്ഞ് said...

തസ്ക്കരന്മാര്‍ക്ക് ഐഡി കാര്‍ഡ് കൊടുത്താല്‍ രാഷ്ട്രീയക്കാര്‍ക്കും കൊടുക്കേണ്ടി വരും, വലുതൊരെണ്ണം....
പിന്നെ നമുക്കും :-)

ശ്രീ said...

കലക്കി, മാഷേ

Villagemaan said...

നന്ദി ചാണ്ടി കുഞ്ഞേ.

നന്ദി ശ്രീ...

മുരളീമുകുന്ദൻ ബിലാത്തിപട്ടണം BILATTHIPATTANAM. said...

കക്കാതെ കവരാതെ വെറും ഒരു മോഷ്ടാവായ ഞനിത് വായിക്കാൻ വന്നപ്പോൾ ശ്രീ ചേർത്ത് എന്നെ അവഹേളിച്ചതിൽ ഞാനീ ഫെസ്റ്റ് ബഹിഷ്കരിക്കുന്നു കേട്ടൊ ഗ്രാമീണ മനുഷ്യാ..

faisu madeena said...

താങ്കള്‍ക്കും ഈ ഫെസ്റ്റിനും എല്ലാ വിധ ആശംസകളും നേരുന്നു .....!!!!





and wish you a Merry Christmas,
And a very Happy New Year!

Villagemaan said...

നന്ദി മുരളീ ഭായ്..
നന്ദി ഫൈസു .
എല്ലാവര്‍ക്കും എന്റെ ക്രിസ്മസ് ആശംസകള്‍..

റാണിപ്രിയ said...

നന്നായി
സന്തോഷം നിറഞ്ഞ ക്രിസ്തുമസ് ആശംസകള്‍ .... ഒപ്പം ഒരു നല്ല പുതുവര്‍ഷവും ...
ഓരോ ദിനങ്ങളും സന്തോഷത്തിന്റെയും സംത്രുപ്തിയുടെയും ദിനങ്ങളായ് തീരട്ടെ

ഹാപ്പി ബാച്ചിലേഴ്സ് said...

ഹഹഹ!! തസ്ക്കരവീരാ, ഗലക്കി. കൊള്ളാം ആ മുഖം കണ്ടപ്പോഴേ തോന്നിയതാണ് ഒരു കള്ളലക്ഷണം. ഇപ്പൊ ഉറപ്പായി.ഹ ഹ!! പിന്നെ “കൂട്ടുകാരൊക്കെ”(തസ്ക്കരശിരോമണികൾ) തെക്കന്മാർ മാത്രമാണല്ലോ. വെടക്കന്മാരുമായി അത്ര രസത്തിലല്ല അല്ലേ? പോസ്റ്റ് നല്ല രസായി. കുറച്ച് ആക്ഷേപഹാസ്യവുമൊക്കെ മിക്സ് ചെയ്ത് പോസ്റ്റ് കലക്കി. ആശംസകൾ വില്ലേജ്മാനേ... ഇനിയും കാണാം..

ഹാപ്പി ബാച്ചിലേഴ്സ് said...

വില്ലേജ്മാനു, ഞങ്ങളുടെ ഹൃദയം നിറഞ്ഞ പുതുവത്സരാശംസകൾ.

Villagemaan said...

നന്ദി റാണി പ്രിയ ..പുതുവത്സരാശംസകള്‍ ...വീണ്ടും വരുമല്ലോ..

നന്ദി ബാച്ചി......പുതുവത്സരാശംസകള്‍..പുതുവര്‍ഷം ഈ സ്റ്റാറ്റസ് മാറട്ടെ എന്ന് ആശംസിക്കുന്നു !

പിന്നെ മുഖത്തുള്ള കള്ളലക്ഷണം ഫോട്ടോ ഷോപ്പിന്റെയാ കേട്ടോ ;)
പിന്നെ തെക്കോട്ടാണ് പരിചയം കൂടുതല്‍...അങ്ങ് അങ്കമാലിക്കപ്പുരതെക്ക് പോയത് തന്നെ അപൂര്‍വ്വം...അതുകൊണ്ട് തെക്ക് ഇടക്ക് ഇടക്ക് കയറി വരും !

ഷാജു അത്താണിക്കല്‍ said...

ഹഹഹ അല്ലാ താങ്കൾ ഇവരുടെ ഏത് ഏരിയാ നേതാവാണ്, ഹിഹിഹി

കൊള്ളാം കെട്ടൊ