Aug 14, 2011

മസ്കിയാമ്മയുടെ മകള്‍

കാലത്തെ കോളേജിലേക്കും സ്കൂളിലേക്കും പെണ്‍ പിള്ളേരെ ബസ് കയറ്റിവിടുന്ന ഭാരിച്ച ഉത്തരവാദിത്വതിനു ശേഷം ക്ലബ്ബില്‍ ഇരുന്നു കാരംസ് കളിക്കുമ്പോള്‍ ആയിരുന്നു, മൂന്ന് പേര്‍ കവലയില്‍ കൂടി പാന്റും ഒക്കെ ഇട്ടു പുത്തന്‍ ബി എസ് എ സൈക്കിള്‍ ഒക്കെ ചവിട്ടി വരുന്നത് കണ്ടത്.റാലി,ഹെര്‍ക്കുലീസ് മുതലായ ചാത്തന്‍ സൈക്കിളുകള്‍ കണ്ടും ചവിട്ടിയും പരിചയിച്ച ഞങ്ങളുടെ നാട്ടുകാര്‍ക്കെല്ലാം ഒരു കാഴ്ചവസ്തു ആയിരുന്നു വളഞ്ഞ ഹാന്‍ഡില്‍ ഒക്കെ ഉള്ള തിളങ്ങുന്ന ബി.എസ്.എ. സൈക്കിള്‍.ഒരുത്തന്‍ കറുത്ത കണ്ണാടി വെച്ചിട്ടുണ്ട്. "കണ്ണില്‍ സൂക്കേട്‌ ഈ വര്‍ഷം രണ്ടാം തവണയും ഇറങ്ങിയോ "എന്ന് സംശയം കുഞ്ഞുമോന്‍ എന്ന് ഞങ്ങള്‍ വിളിക്കുന്ന കുഞ്ഞുമോന്‍ സംശയം പറഞ്ഞു. കഴിഞ്ഞ തവണ വീട്ടില്‍ നീ കുറെ ഒഴിച്ച് ബാക്കി എല്ലാവര്‍ക്കും ലോട്ടറി അടിച്ചു എന്ന് പറഞ്ഞു ചിരിച്ചതല്ലേ,ഈ തവണ ഉറപ്പാ എന്ന് ഞാന്‍ പറഞ്ഞു. ബസ് കാത്തു കവലയില്‍ നിന്ന എല്ലാ പെണ്ണുങ്ങളും അവരെ ആരാധനയോടെ നോക്കി. മാങ്കകുഴികവലയില്‍ ഒരു തരംഗം സൃഷ്ട്ടിച്ചതിനു ശേഷം അന്നവര്‍ തിരിച്ചു പോയി.

പിറ്റേന്ന് കാലത്ത് ക്ലബ്ബിന്റെ താഴെ ഉള്ള പീടികയില്‍ പുതിയ തയ്യല്‍കട തുറന്നപ്പോഴാണ് തലേ ദിവസം ചെത്തി നടന്ന പാര്‍ട്ടിക്കാര്‍ തയ്യല്‍ക്കാര്‍ ആണെന്ന് മനസ്സിലായത്‌. മൂന്നു നാല് പേര്‍ ഇരുന്നു ഒരു മലര്‍ന്നു കിടക്കുന്ന ടേപ്പ് റിക്കാര്‍ഡറില്‍ ബോണി .എം. ഒക്കെ കേട്ട് തലയാട്ടി കൊണ്ട് ഭയങ്കര പണി. പതിവിനു വിപരീതമായി പെണ്ണുങ്ങള്‍ ഒന്നും ക്ലബ്ബിന്റെ വശത്തേക്ക് നോക്കാതായപ്പോ തയ്യല്‍ക്കാരന്‍ ഒരു ഭീഷണി ആയി എന്ന് എല്ലാവര്ക്കും മനസ്സിലായി.

ക്ലബ് അംഗങ്ങളെ പരിചയപ്പെടാനായി ഉടമയായ ജോസുകുട്ടി മേലെ കേറി വന്നു . ജോസുകുട്ടി ഇട്ടിരിക്കുന്ന ഷര്‍ട്ടിന്റെ കോളറും പോക്കറ്റും ഒക്കെ വേറെ വേറെ നിറം ആയിരുന്നു. ഇതാണിപ്പോ ഫാഷന്‍ എന്നും ചേട്ടന്മാര്‍ക്ക് വേണമെങ്കില്‍ ഇതേപോലെ ഒക്കെ തയ്ച്ചു തരാം എന്നും പറഞ്ഞപോള്‍ ഞങ്ങള്‍ വലിയ ബലം കൊടുത്തില്ല.തയ്ക്കാന്‍ കൊടുക്കുന്നവരുടെ തുണി വെട്ടി ആരിക്കും ഇവന്‍ പോക്കറ്റ് തയ്ച്ചത് എന്ന് ജോസുകുട്ടി പോയി കഴിഞ്ഞു ഞങ്ങള്‍ പറഞ്ഞു ആശ്വസിച്ചു.

ആ സമയത്തായിരുന്നു ക്ലബ്ബിന്റെ അടുത്ത പുരയിടത്തില്‍ ഒഴിഞ്ഞു കിടന്നിരുന്ന വീട്ടില്‍ വാടകയ്ക്ക് താമസിക്കാനായി, ഏറണാ കുളത്ത്നിന്നും ഒരു കുടുംബം വന്നത്.ഒരു അച്ചനും # മസ്കിയാമ്മയും. രണ്ടു പെണ്മക്കള്‍ ആയിരുന്നു അവര്‍ക്ക് എന്നുള്ളത് ക്ലബ്ബില്‍ ഏതു നേരവും ആള് കൂടാന്‍ കാരണമായി. മൂത്തവള്‍ ഒരു സൈക്കിളില്‍ കയറി ചുമ്മാ കറങ്ങി നടക്കും.നാട്ടുംപുറത്തു അത് ഒരു കാഴ്ച ആയിരുന്നു. ഒന്നാമത്തെ സൈക്കിള്‍ ഉള്ളവര്‍ തന്നെ കുറവ്,അപ്പൊ പിന്നെ ഒരു പെണ്ണ് അതിന്മേല്‍ കേറി നടന്നാലോ.സൈക്കിളിന് കാറ്റ് അടിക്കാന്‍ ഇടയ്ക്കു അവള്‍ തയ്യല്‍ കടയില്‍ വരും.ജോസുകുട്ടി അവളോട്‌ മിണ്ടുന്നുണ്ടോ എന്നൊക്കെ ഞങ്ങള്‍ മുകളില്‍ ഇരുന്നു നോക്കും.

ഇടയ്ക്കു ജോസുകുട്ടി കുറെ ദിവസം കാണില്ല.അന്നേരം ഞങ്ങള്‍ താഴെ പോയി പാട്ടൊക്കെ കേള്‍ക്കും.വിരോധം ജോസുകുട്ടിയോടു മാത്രമേ ഉള്ളല്ലോ.ഒരിക്കല്‍ ജോസുകുട്ടി ഒരാഴ്ച തുടര്‍ച്ചയായി വന്നില്ല. ചോദിച്ചപ്പോള്‍ ജോസുകുട്ടി ബാഗ്ലൂര്‍ പോയി എന്ന് അസിസ്റ്റന്റ്റ് പയ്യന്‍ പറഞ്ഞു.പിന്നെ ബാഗ്ലൂര്,അവന്‍ വല്ല കപ്പക്കാലായിലും പോയതാരിക്കും എന്ന് പറഞ്ഞു ഞങ്ങള്‍ എല്ലാം കൂടെ ചിരിച്ചു.

ഒരു ദിവസം ഉച്ചയായപ്പോള്‍ വാടകക്കാരുടെ വീട്ടില്‍ ഭയങ്കര ബഹളം. ആരോ മൂത്ത പെണ്ണിന് കത്ത് അയച്ചത് മസ്കിയാമ്മയുടെ കൈയ്യില്‍ കിട്ടിയത്രേ. ഊരും പേരും ഇല്ലാത്ത കത്തായിരുന്നു. എത്ര ചോദ്യം ചെയ്തിട്ടും പെണ്ണ് ആളെ പറയുന്നില്ല. കവലയോട്ചേര്‍ന്നാണല്ലോ വീട്. അതുകൊണ്ട് തന്നെ ചെറിയ ഒരു ആള്‍ക്കൂട്ടം ഉടനെ അവിടെ ഉണ്ടായി.

തയ്യക്കാരന്‍ ജോസുകുട്ടി ആരിക്കും ഇതിന്റെ പിന്നില്‍ എന്ന കുഞ്ഞവറാന്‍ ചേട്ടന്റെ നിഷ്ക്കളങ്കമായ ചെറിയ ആത്മഗതം മൂലം അച്ചന്‍ വയലന്റായി.രണ്ടാഴ്ച മുന്നേ തയ്യക്കടയുടെ മുന്നില്‍ വെച്ച് കുഞ്ഞവറാന്‍ ചേട്ടന്‍ നിര്‍ദോഷകരമായ ഒരു പൊതു വിജ്ഞാനം വിളമ്പിയിരുന്നു .അങ്ങേരു ബാഗ്ലൂര്‍ ഉള്ള മോന്റെ അടുത്ത് പോയ വിവരം വര്‍ണ്ണിച്ചു വരവേ " അവിടെ ഒക്കെ ഇതേപോലെ ആണോ, ഒരു അഞ്ഞൂറ് പ്രാവ് ( വണ്ടി ആണ് ഉദ്ദേശിച്ചത് ) അങ്ങോട്ട്‌ പോകുമ്പോള്‍, ഒരു അഞ്ഞൂറ് പ്രാവ് എതിരെ വരും" എന്ന് പറഞ്ഞു. ചുമ്മാ കാലത്തെ പൂള് പൂളാതെ ചേട്ടാ, ബാഗ്ലൂര്‍ ഒക്കെ പോകുന്ന എന്നോടാണോ ഇങ്ങനെ പറയുന്നേ എന്ന് പറഞ്ഞു തയ്യക്കാരന്മാര്‍ എല്ലാം കൂടെ ആര്‍ത്തു ചിരിച്ചപ്പോള്‍, കേട്ട് നിന്നവരും കൂടെ കൂടി. അന്നത്തെ കലിപ്പ് ഇങ്ങനെ തീര്‍ന്നല്ലോ എന്ന് കുഞ്ഞവറാന്‍ ചേട്ടന്‍ ആശ്വസിച്ചു.

ജോസ് കുട്ടി ബാഗ്ലൂര്‍ ട്രിപ്പ്‌ ഒക്കെ കഴിഞ്ഞു വന്നപ്പോള്‍,അച്ചനും മസ്കിയാമ്മയും സ്ഥലത്തെ ചില മാന്യന്മാരും കൂടി കൂട്ടിചോദിക്കാന്‍ തയ്യല്‍ കടയില്‍ എത്തി.വിവരം പറഞ്ഞപ്പോ ജോസുകുട്ടി നിഷേധിച്ചു.ഇത്രേം അടുത്തിരുന്നോണ്ട് കത്തയക്കേണ്ട കാര്യം ഉണ്ടോ, ഇഷ്ട്ടമാണേല്‍ നേരിട്ട് പറയാല്ലോ എന്ന് ചോദിച്ചപ്പോ നേരാണല്ലോ എന്ന് അച്ചനും തോന്നി.

ഞങ്ങളുടെ കൂട്ടത്തില്‍ ഏറ്റവും സുന്ദരന്‍ എന്ന് അഭിമാനിക്കയും അങ്ങനെ ഞങ്ങള്‍ പുകഴ്താറും ഉള്ള റജി ഏകദേശം മുഴുവന്‍ സമയവും ക്ലബ്ബിലും പരിസരത്തും ആയിരുന്നു. അച്ചന്‍റെ മൂത്ത മകളെ വളക്കുക എന്ന ശ്രമകരമായ ദൌത്യത്തില്‍ ആയിരുന്നു റജി. ഒരിക്കല്‍ റജിയും കുഞ്ഞുമോനും പള്ളിയില്‍ നിന്ന് വരുന്ന വഴി അവളെ കണ്ടു. റജി പേരെന്നാ എന്ന് ചോദിച്ചിട്ട് അവള്‍ ഒരക്ഷരം മിണ്ടിയില്ല എന്ന് തന്നെ അല്ല കൂടെ ഉണ്ടായിരുന്ന കുഞ്ഞുമോനോട്‌ എന്നാത്തിനാ പഠിക്കുന്നെ എന്ന് ചോദിക്കുവേം ചെയ്തത് റജിക്ക് വലിയ ക്ഷീണമായിപ്പോയി.

സംശയം കുഞ്ഞുമോന്റെ ചേട്ടന്റെ കല്യാണത്തലേന്നു ബാച്ചിലേര്‍സ് പാര്‍ട്ടി കഴിഞ്ഞു അടിച്ചു വീലായി വരുന്ന വഴി മസ്കിയാമ്മയുടെ മകളോട് റജിക്ക് പെട്ടെന്ന് കലിപ്പ് തോന്നി .റജിയും മൂന്നു നാല് പേരും കൂടി മസ്കിയാമ്മയുടെ വീടിന്റെ മുന്നില്‍ ചെന്നു .മകള്‍ കിടക്കുന്ന മുറിയുടെ പുറത്തു ചെന്നപ്പോള്‍ ജനല്‍ തുറന്നിട്ടിരിക്കുന്നു. എന്നാ ഒന്ന് നോക്കിയേക്കാം എന്ന് വെച്ച് റജി ബാക്കിയുള്ളവരെ പുറത്തു നിര്‍ത്തി മതില് ചാടി അകത്തു ചെന്നു. ജനലില്‍ കൂടി നോക്കാന്‍ ചെന്നപ്പോള്‍ ചവിട്ടിയത് അവിടെ കെട്ടിയിരുന്ന ആടിന്റെ മുതുകത്തു.ആട് വേദനകൊണ്ട് ഭയങ്കര കരച്ചില്‍.കരച്ചിലു കേട്ട് അവിടെ ഉണ്ടായിരുന്ന ആട്ടുംകുട്ടികളും കൂടി കരഞ്ഞപ്പോള്‍ റജിയും പാര്‍ട്ടികളും കൂടി ഓടി.ഒച്ചകേട്ട് അടുത്ത വീടുകളിലെല്ലാം ലൈറ്റ് ഇട്ടു. കുറെ ആള്‍ക്കാര് പുറകെ ഓടി. കൈയില്‍ കിട്ടിയ കല്ലും ഒക്കെ വെച്ച് ഭയങ്കര ഏറു. അവസാനം ചെട്ടിപ്പടിക്കടുത്തുള്ള പൊന്തക്കാട്ടില്‍ എല്ലാവരും കൂടി ഒരു വിധത്തില്‍ എത്തി ഒളിച്ചിരുന്നു.ഏറ്റവും കൂടുതല്‍ ഏറു കിട്ടിയത് വിനോദിനായിരുന്നു. വിഷമത്തോടെ വിനോദു പറഞ്ഞു. "എടാ നമ്മള്‍ നാലഞ്ചു പേര്‍ ഉണ്ടായിട്ടും എനിക്ക് മാത്രം എന്താ ഏറു കിട്ടിയത്" . റജി പറഞ്ഞു, എടാ പൊട്ടാ ഇനി എങ്കിലും കൈയില്‍ ഇരിക്കുന്ന ടോര്‍ച് ഓഫ്‌ ചെയ്യാന്‍ !

മസ്കിയാമ്മയുടെ മകളെ കാണാന്‍ ആരാണ്ട് പാതിരാക്ക്‌ ചെന്നു എന്ന് പിറ്റേന്ന് കവലയില്‍ ഫ്ലാഷ് ആയി. മസ്കിയാമ്മയുടെ വീട്ടില്‍ പെണ്ണിനിട്ടു അടിയും ഭയങ്കര ബഹളോം കേട്ടു എന്നൊക്കെ നാട്ടുകാര്‍ പറഞ്ഞു. പതിവുപോലെ അതും ജോസുകുട്ടിയുടെ മണ്ടക്ക് തന്നെ. അതിന്റെ പിന്നിലെ മാസ്റ്റര്‍ മൈന്‍ഡ് റജി ആയിരുന്നു എന്ന് പറയേണ്ടതില്ലല്ലോ .

തൊട്ടടുത്ത ദിവസം തന്നെ ആയിരുന്നു നാടിനെ ഞെട്ടിച്ച ആ സംഭവം. മസ്കിയാമ്മയുടെ മകള്‍ അതുവഴി സര്‍വീസ് നടത്തിയിരുന്ന കെ.സി. എം. എസ്. ബസിലെ കണ്ടക്ട്ടര്‍ പട്ടിണി എന്ന് ഞങ്ങള്‍ വിളിച്ചിരുന്ന സുഭാഷിന്റെ കൂടെ ഒളിച്ചോടി.

അവശ കാമുകന്‍ കരോട്ടുംകലെ റജി ഒരു നേഴ്സിനെ കെട്ടി അമേരിക്കയില്‍ ജീവിക്കുന്നു. കുഞ്ഞുമോന്‍ വീടിനടുത് തന്നെ ഒരു പലചരക്ക് കടയില്‍ തന്റെ തീരാത്ത സംശയങ്ങളും ആയി കഴിയുന്നു .

മസ്കിയാമ്മയുടെ രണ്ടാമത്തെ മകളുടെ ഭര്‍ത്താവിന്‍റെതാണ് ഇന്ന് മാങ്കകുഴി കവലയില്‍ ഉള്ള വലിയ തുണിക്കടയും ടെയിലറിംഗ് ഷോപ്പും. പ്രൊ . ജോസുകുട്ടി എന്ന് കടയുടെ ബോര്‍ഡില്‍ എഴുതി വെച്ചിരിക്കുന്നത്നാട്ടുകാര്‍ പലരും പ്രോഫസ്സര്‍ ജോസുകുട്ടി എന്നും വായിക്കും !

# മസ്കിയാമ്മ : അച്ചന്‍റെ ഭാര്യ .

പ്രതികരണങ്ങള്‍:

37 അഭിപ്രായ(ങ്ങള്‍):

Villagemaan/വില്ലേജ്മാന്‍ said...

കുറെ പഴയ ഓര്‍മ്മകളും, കുറച്ചു നുണകളും !

വെള്ളരി പ്രാവ് said...

പറക്കുന്ന വഴി കിട്ടിയതാ...

അതിവിടെ കിടക്കട്ടെ...

((((((((((((O)))))))))))))

daimon kurian said...

sasi ellam thurannu eyoutharuthu 2 kuttikalluda future orkukka hihi/????

ഇസ്മായില്‍ കുറുമ്പടി (തണല്‍) said...

ആ കണ്ടക്ടറുടെ ഇപ്പോഴത്തെ അവസ്ഥ എന്താണാവോ?

നുണകള്‍ കുറച്ചൂടെ ചേര്‍ക്കാമായിരുന്നു.
ആശംസകള്‍

ഒരു ദുബായിക്കാരന്‍ said...

വില്ലേജ്മാന്‍ ടച്ചുള്ള ഒരു പോസ്റ്റ്‌..അല്പം ഓര്‍മയും ബാക്കി നുണയും അല്ലെ !! സംഭവം രസിപ്പിച്ചു.
ചേട്ടാ ഒന്നൂടെ എഡിറ്റ്‌ ചെയ്യാമെന്ന് തോന്നുന്നു "അച്ചനും മസ്കിയാമ്മയും സ്ഥലത്തെ ചില മാന്യന്മാരും കൂടി കൂട്ടിചോദിക്കാന്‍ തയ്യല്‍ കടയില്‍ എത്തി"..ഇതുപോലത്തെ ചില typing പിശകുകള്‍ കണ്ടിരുന്നു.അപ്പോള്‍ വീണ്ടും കാണാം.

mottamanoj said...

ഹോ അതൊക്കെ ഒരു കാലം അല്ലെ, അന്നത്തെ ഒരു സൈകിള്‍ ഇന്നത്തെ BMW ആണ്

ഏപ്രില്‍ ലില്ലി. said...

കഥ കൊള്ളാം...കൂടുതല്‍ ഏറു കിട്ടിയ വിനോദിന്റെ വിഷമം വായിച്ചു ചിരിച്ചു.. നുണക്കഥകള്‍ ഇനിയും പോരട്ടെ ..

ponmalakkaran | പൊന്മളക്കാരന്‍ said...

നന്നായിട്ടുണ്ട് നുണക്കഥ..
അഭിനന്ദനങ്ങൾ.

വീ കെ said...

അപ്പൊ.. നുണക്കഥയാല്ലെ....?
ആശംസകൾ...

- സോണി - said...

സത്യംപറഞ്ഞാല്‍...
എനിക്ക് ഈ പോസ്റ്റ് ഇഷ്ടമായില്ല.
ആശയമൊക്കെയുണ്ട്, പക്ഷേ ഭാഷയ്ക്ക് ഒഴുക്ക് പോരാ. വഴിയിലൊക്കെ ചപ്പും ചവറും.
മുന്‍പ് വായിച്ച പോസ്റ്റുകള്‍ വച്ചുനോക്കിയാല്‍ ഒരു വില്ലേജ്മാന്‍ standard ഇല്ല.
തീരെ ഇഷ്ടമാവാതിരുന്നത് അവസാനത്തെ രണ്ട് പാരഗ്രാഫ്‌ ആണ്.
നര്‍മ്മം നന്നായി കൈകാര്യംചെയ്യുന്ന ആളായിരുന്നല്ലോ താങ്കള്‍, എന്നിട്ട് ഇതെന്തുപറ്റി? കുറെയൊക്കെ വായിക്കുമ്പോള്‍ ഞങ്ങള്‍ താങ്കളില്‍ അറിയാതെതന്നെ ഒരു പ്രതീക്ഷയൊക്കെ വച്ചുപുലര്‍ത്തുന്നത് ഒരു തെറ്റാണോ?
സാരമില്ല, എത്ര ഉന്നംവച്ച് എറിഞ്ഞാലും എല്ലാ ഏറിനും മാങ്ങവീഴില്ലല്ലോ, അതുകൊണ്ട് അടുത്ത പോസ്റ്റ്‌ ഗംഭീരമാക്കണം.

(വിമര്‍ശനം നല്ല അര്‍ത്ഥത്തില്‍ എടുക്കുമല്ലോ, അല്ലേ?)

ajith said...

നിങ്ങടെ വില്ലേജ് കൊള്ളാം, വില്ലേജിലെ മനുഷ്യര്‍ കൊള്ളാം, മനുഷ്യരുടെ കഥകള്‍ കൊള്ളാം, കഥകള്‍ പറഞ്ഞുതരുന്ന ശശി കൊള്ളാം, ആകെ മൊത്തം വായിക്കാന്‍ കൊള്ളാം. ഇനിയും വരൂ വില്ലേജ് സ്റ്റോറികളുമായിട്ട്...

Salam said...

"എടാ നമ്മള്‍ നാലഞ്ചു പേര്‍ ഉണ്ടായിട്ടും എനിക്ക് മാത്രം എന്താ ഏറു കിട്ടിയത്" . റജി പറഞ്ഞു, എടാ പൊട്ടാ ഇനി എങ്കിലും കൈയില്‍ ഇരിക്കുന്ന ടോര്‍ച് ഓഫ്‌ ചെയ്യാന്‍ !"

അതാണ്‌ ഏറ്റവും ചിരിപ്പിച്ചത്. വില്ലജ്മാന്റെ പതിവ് പന്ജ്ജുകള്‍ എല്ലാം ചേര്‍ന്ന ചിരിപ്പോസ്റ്റ്‌ രസിപ്പിച്ചു.
ബസിലെ കണ്ടക്ട്ടര്‍ "പട്ടിണി" യോടൊപ്പം അവള്‍ ഒളിച്ചോടിയപ്പോള്‍ സ്ഥലത്തെ പ്രധാന സുന്ദരന്മാര്‍ എല്ലാം വടിയായി. ഇതില്‍ വലിയ്‌ ഒരു പോയിന്റ്‌ ഉണ്ട്. it is noted. nice reading.

ഹാഷിക്ക് said...

എല്ലാവരെയും ‘ ഒരു വഴിക്കാക്കിയിട്ട് ‘ വില്ലേജ്മാന്‍ മാത്രം വണ്ടി കയറി രക്ഷപെട്ടു അല്ലെ? ഇതാ പണ്ടത്തെ അമ്മമാര്‍ പറയുന്നത് കൂട്ടുകൂടുമ്പോ നോക്കീം കണ്ടും വേണമെന്ന്. :-)
സൈക്കിളും തള്ളി വരുന്ന നായികയും വായില്‍ നോക്കി ഇരിക്കുന്ന ചെറുപ്പക്കാരും. ഒരു ഇന്‍ ഹരിഹര്‍ നഗര്‍ ടച് ഉണ്ടായിരുന്നു ... കൊള്ളാം.
പോസ്റ്റ്‌ ഒന്നുകൂടി എഡിറ്റ്‌ ചെയ്ത് ഇട്ടിരുന്നെന്കില്‍ കുറച്ചു കൂടി നന്നായേനെ.

kochumol(കുങ്കുമം) said...

നുണക്കഥ അസ്സലായി ,പണ്ടത്തെ തയ്യല്‍ തന്നാണ് ഇന്നത്തെയും ഫാഷന്‍ ....

Villagemaan/വില്ലേജ്മാന്‍ said...

നന്ദി..വെള്ളരിപ്രാവ്‌..ഈ ആദ്യ അഭിപ്രായത്തിനു..

നന്ദി..ഡായി..മുഴുവന്‍ പറഞ്ഞാല്‍ പലരും കുടുങ്ങും !

നന്ദി..തണല്‍...ആ കണ്ടക്റ്റര്‍ ഇപ്പോഴും കണ്ടക്റ്റര്‍ തന്നെ !

നന്ദി..ദുബായിക്കാരാ...എഡിറ്റ്‌ ചെയ്യാം..

നന്ദി..മനോജ്‌..
നന്ദി..ഏപ്രില്‍ ലില്ലി..
നന്ദി..ജയചന്ദ്രന്‍ ചേട്ടാ
നന്ദി..വീ കെ

നന്ദി..സോണി..ഈ തുറന്നു അഭിപ്രായത്തിനു. .പോസ്ടിയതില്‍ അല്‍പ്പം തിടുക്കം കാട്ടിയോ എന്ന് പിന്നീട് തോന്നി..കുറെ കൂടി ചെരുതാക്കമായിരുന്നു എന്നും നന്നാക്കാമായിരുന്നു എന്നും.

പിന്നെ ഞാന്‍ ഒരു പ്രതീക്ഷ ഉണര്‍ത്തുന്നു എന്ന് ചിലരെങ്കിലും പറയുമ്പോള്‍ ഒരു സന്തോഷം..അടുത്ത ഏറിനു മാങ്ങ വീഴുമോ എന്നറിയില്ല...സാധ്യത കുറവാണ് ! എറിയാന്‍ കല്ലൊന്നും കിട്ടുന്നില്ല !


നന്ദി..അജിത്‌ ഭായി...നമ്മുടെ വില്ലേജ് എന്ന് പറഞ്ഞാല്‍ ഒരു ഒന്നൊന്നര വില്ലേജ് ആയിരുന്നു ..പണ്ട്..ഇപ്പൊ ഒരുപാട് മാറിപ്പോയി..ആള്‍ക്കാര്‍ക്ക് കണ്ടാല്‍ തിരിച്ചറിയാത്ത വണ്ണം..

നന്ദി..സലാം ഭായി..

നന്ദി..ഹാഷിക് ..വില്ലേജ് മാന്റെ രക്ഷപെടല്‍ ഒന്നും ഒരു രക്ഷപെടല്‍ അല്ല ഭായി..അന്നത്തെ പുലികള്‍ ഒക്കെ ഇന്ന് രാജാ പാര്‍ടാ!

നന്ദി..കുങ്കുമം ..പഴയതൊക്കെ വീണ്ടും വരുന്ന ഒരു ട്രെന്‍ഡ് അല്ലെ ഇപ്പൊ !

സീത* said...

നല്ല കഥ ഏട്ടാ...ഇതിലെ നുണേടേം ഓർമ്മേടേം അനുപാതം പറഞ്ഞു തന്നാൽ കൊള്ളാരുന്നു...കൺഫ്യുഷൻ...ഹിഹി...അപ്പോ അന്നു വണ്ടി കേറിയതാണോ പ്രവാസത്തിലേക്ക്..ഹിഹി..

Kalavallabhan said...

അതിരിക്കട്ടെ, ആ പഴയ പാട് (തോളത്തെ) ഇപ്പോഴുമുണ്ടോ ? അതൊ മാഞ്ഞോ ?
ഓ അന്നത്തെ ഒരു കാലം
ദേ രോ. ക. വരുന്നു

ആസാദ്‌ said...

താങ്കളുടെ മുന്‍ പോസ്റ്റുകളെ അപേഷിച്ചു നോക്കുമ്പോള്‍ അത്ര തന്നെ ആയിട്ടില്ല. എങ്കിലും കൊല്ലം.. വിനോദിന് മാത്രം ഏറു കിട്ടാനുള്ള കാരണമോര്‍ത്തു ഒരാഴിച്ചയെങ്കിലും ഞാന്‍ ചിരിക്കും.. തുടരുക.. സമാനമായ ഒരു വിഷയം കടലാസ് പൂക്കളില്‍ ഞാന്‍ പോസ്ടിയിരുന്നു.

ലൌമാഷും കുട്ട്യാളും
http://kadalasupookkal.blogspot.com/2011/01/blog-post_19.html

മുരളീമുകുന്ദൻ , ബിലാത്തിപട്ടണം BILATTHIPATTANAM. said...

നുണയാണെങ്കിലും അതിൽ ജീവിച്ചിരുന്ന ഒരു കഥാപാത്രത്തിന്റെ പൂർവ്വാശ്രമകഥകൾ മാത്രമല്ലേ ഇതൊക്കെ ഭായ്

ചീരാമുളക് said...

ഇഷ്ടായില്ലാന്ന് പറഞ്ഞാൽ ഇഷ്ടക്കേടാവുമോ? എന്തോ ഒരു പോരായ്മ. എനിക്കേ അത് തോന്നിയിട്ടുള്ളൂന്നും ആവാം! പഴയ കഥകളുടെ ഒരിത് ഇല്ല.

jyo said...

anubhavamaayirunno? rasakaramaayi paranju.

jayarajmurukkumpuzha said...

nunakkada assalayittundu....... bhavukangal......

ശങ്കരനാരായണന്‍ മലപ്പുറം said...

നുണക്കഥ തരക്കേടില്ലകെട്ടോ!

Lipi Ranju said...

അപ്പൊ അവസാനം മസ്കിയാമ്മയുടെ രണ്ടാമത്തെ
മകള്‍ ജോസുകുട്ടിയുടെ മണ്ടയ്ക്ക് ആയല്ലേ :))

Villagemaan/വില്ലേജ്മാന്‍ said...

നന്ദി..സീത..അനുപാതം ഒരു ഫിഫ്റ്റി ഫിഫ്റ്റി !

നന്ദി..കലാവല്ലഭന്‍..ഏറു കൊണ്ട പാടാണോ..ഹഹ.അതെപ്പോഴേ പോയി!

നന്ദി...ആസാദ് ഭായ്..
നന്ദി..മുരളീ ഭായ്..

നന്ദി..ചീരാമുളക്..ഒരു ഇഷ്ട്ടക്കെടും ഇല്ല കേട്ടോ..തുറന്നു അഭിപ്രായം പറഞ്ഞതില്‍ സന്തോഷം..

നന്ദി..ജ്യോ..പകുതി അനുഭവവും, പകുതി നുണയും...

നന്ദി..ജയരാജ്..
നന്ദി..ശങ്കര്‍ ജി..
നന്ദി..ലിപി..

sreee said...

"എടാ നമ്മള്‍ നാലഞ്ചു പേര്‍ ഉണ്ടായിട്ടും എനിക്ക് മാത്രം എന്താ ഏറു കിട്ടിയത്" :) :)

faisalbabu said...

മസ്കിയാമ്മയുടെ മകള്‍ അതുവഴി സര്‍വീസ് നടത്തിയിരുന്ന കെ.സി. എം. എസ്. ബസിലെ കണ്ടക്ട്ടര്‍ പട്ടിണി എന്ന് ഞങ്ങള്‍ വിളിച്ചിരുന്ന സുഭാഷിന്റെ കൂടെ ഒളിച്ചോടി..
--------------------------
അതായത്‌ നോക്കിയ ഫോണ്‍ വാങ്ങാന്‍ വന്നവന്‍ ചൈന ഫോണും കൊണ്ട് പോയി എന്ന് പറഞ്ഞപോലെ അല്ലെ ....

ബഡായി said...

nunayan

ARUN RIYAS said...

good!!!!!
welcome to my blog
blosomdreams.blogspot.com
if u like it follow and support me!

അനശ്വര said...

ധനു മാസത്തിലെ തിരുവാതിര എഴുതിയ ആളില്‍ നിന്ന് ഇതില്‍ കൂടുതല്‍ പ്രതീക്ഷിച്ചു..
അടുത്തതില്‍ നന്നാക്കുക..
അല്പം കൂടി എഡിറ്റായിരുന്നു..നീളം കുറക്കമെന്നില്ല...ഭാഷക്ക് ഒഴുക്ക് കിട്ടിയില്ല..
""കണ്ണില്‍ സൂക്കേട്‌ ഈ വര്‍ഷം രണ്ടാം തവണയും ഇറങ്ങിയോ "എന്ന് സംശയം കുഞ്ഞുമോന്‍ എന്ന് ഞങ്ങള്‍ വിളിക്കുന്ന കുഞ്ഞുമോന്‍ സംശയം പറഞ്ഞു. കഴിഞ്ഞ തവണ വീട്ടില്‍ നീ കുറെ ഒഴിച്ച് ബാക്കി എല്ലാവര്‍ക്കും ലോട്ടറി അടിച്ചു എന്ന് പറഞ്ഞു ചിരിച്ചതല്ലേ,ഈ തവണ ഉറപ്പാ എന്ന് ഞാന്‍ പറഞ്ഞു.."
ഇവിടൊക്കെ ഒന്നുടെ വായിച്ചെ..മാറ്റം വേണമെന്ന് ശശിയേട്ടന്‍ തന്നെ തോന്നുന്നില്ലെ?
പുതിയ നല്ല കഥകള്‍ക്കായി കാത്തിരിക്കുന്നു..

ജാനകി.... said...

ഞാനിതു സത്യം തന്നെയെന്നു കരുതി വായിച്ചങ്ങു രസിച്ചു..ഇതിലെ നുണകളൊന്നും ചികയാൻ പോയില്ല കെട്ടോ....എന്തായാലും എഴുതി ഫലിപ്പിക്കാൻ നല്ല കഴിവുണ്ട് ഗ്രാമീണന്

Villagemaan/വില്ലേജ്മാന്‍ said...

നന്ദി..ശ്രീ..
നന്ദി..ഫൈസല്‍ ബാബു..

നന്ദി..ബടായി..ഈ ആദ്യവരവിനും അഭിപ്രായത്തിനും.. അല്‍പ്പം നുണ പറയാതാ ആരാ ഭായ് ഉള്ളെ ..ഹി ഹി .

നന്ദി..അരുണ്‍ റിയാസ്

നന്ദി..അനശ്വര..ഈ തുറന്ന അഭിപ്രായത്തിനു.. എന്നില്‍ നിന്നും കൂടുതല്‍ പ്രതീക്ഷിച്ചു എന്ന് അറിഞ്ഞതില്‍ സന്തോഷം ..
ധനു മാസത്തിലെ തിരുവാതിര പോലെ ഒരു പോസ്റ്റ്‌ ഇനി എഴുതാന്‍ പറ്റും എന്ന് തോന്നുന്നില്ല..കാരണം അത് ഒരു അനുഭവം ആയിരുന്നു. ആ സംഭവം എന്റെ വീട്ടില്‍ ചെറുപ്പത്തിലെ സംഭാവിച്ചതായിരുന്നു. സുഖമില്ലാതെ കിടന്ന അമ്മൂമ്മയുടെ മരണദിവസം ആകസ്മികമായി കയറി വന്ന ഒരു അപരിചിതന്റെ കഥ, ചെറുപ്പത്തില്‍ പോയിരുന്ന തിരുവാതിര രാവുകളോട് ബന്ധപ്പെടുത്തി ഒരു കഥയാക്കി..എപ്പോഴും ഉണ്ടാവില്ലല്ലോ അതെ പോലത്തെ കഥകള്‍.. ഇതേ വരെ പോസ്റ്റ്‌ ചെയ്ത അന്‍പതില്‍ പരം പോസ്റ്റുകളില്‍ എനിക്ക് കൂടുതല്‍ പ്രിയപ്പെട്ട മൂന്നോ നാലോ പോസ്റ്റുകള്‍ മാത്രമേ ഉള്ളു...അവ ഒക്കെ എന്റെ തന്നെ, എന്റെ പരിസരത്ത് തന്നെ ഉണ്ടായിരുന്ന ആളുകളും, അനുഭവങ്ങളും ആണ്. ഇത് കൂടാതെ മൂന്നാം നിലയിലെ കാന്‍സര്‍ വാര്‍ഡ്‌, വണ്ടിപെരിയാരിലെക്കുള്ള അവസാനത്തെ വണ്ടി, വേഷ പ്രശ്ചാന്നനായ ദൈവം, രാഖവേട്ടന്‍ സുരഭി സ്റ്റോര്‍ എന്നിവ.. അനുഭവങ്ങള്‍ കഥയുടെ രൂപത്തില്‍ ആകുമ്പോള്‍ അവയ്ക്ക് ചൂടും ചൂരും കൂടും എന്ന് എനിക്ക് തോന്നുന്നു..

നന്ദി..ജാനകി..കുറെ സത്യങ്ങളും, കുറെ നുണകളും എന്ന് പറയാന്‍ ആണ് ഇഷ്ട്ടം !

Biju Davis said...

ശശീ, ഞാൻ ആദ്യമായാണു ഇവിടെ..വരാൻ വൈകിപ്പോയി എന്ന് മറ്റുള്ളാവരുടെ കമന്റുകളിൽ നിന്ന് മനസ്സിലായി. മുൻ പോസ്റ്റുകൾ സാവകാശം വായിയ്ക്കണം.

..ഒറ്റനോട്ടത്തിൽ തോന്നിയത്‌...ധാരാളം നല്ല ഓർമ്മകൾ നലകിയിട്ടുള്ള ഒരു ഗ്രാമം...
ഓർമ്മകളുടെ ആധിക്യം കൊണ്ട്‌ തന്നെ എല്ലാം ധൃതിയിൽ പറഞ്ഞുതീക്കാനുള്ള വ്യഗ്രത...
അത്‌ കൊണ്ട്‌ തന്നെ എഡിറ്റിംഗിനുള്ളാ ആലസ്യം..
പക്ഷെ, ഒന്നു ഒതുക്കീയാൽ, ഒരു നാലിരട്ടി ഭംഗിയാകും; ഇത്‌ മോശമായി എന്ന അർത്ഥമില്ലാട്ടോ..

AFRICAN MALLU said...

ഒരു നാട്ടിന്‍പുറവും അവിടുത്തെ കുറെ തമാശകളും ഒക്കെ നിറഞ്ഞ പോസ്റ്റ്‌

ഫെനില്‍ said...

എന്നിട്ട് ആ പെണ്ണ് ഇപ്പോള്‍ എന്നാ ചെയ്യുന്നു

Villagemaan/വില്ലേജ്മാന്‍ said...

നന്ദി..ബിജു ഡേവിസ്.. ഇത്രേം ഒക്കെ കൊണ്ട് എത്തിക്കാനുള്ള പങ്കപ്പാട് എനിക്കല്ലേ അറിയൂ :)

നന്ദി..ആഫ്രിക്കന്‍ മല്ലു..നമ്മുടെ നാട്ടിന്‍പുറത്ത് കഥകളെ ഉള്ളു..പലതും എഴുതാന്‍ പറ്റാത്തവ..ഹി ഹി

നന്ദി..ഫെനില്‍.. ആ പെണ്ണിന് ഇപ്പൊ കുട്ടികള് നാല് ! " പട്ടിണിക്ക് " വലിയ മാറ്റം ഒന്നും ഇല്ല...ഇപ്പോഴും പഴയ ആ പട്ടിണി ലുക്ക്‌ തന്നെ !

‍ആയിരങ്ങളില്‍ ഒരുവന്‍ said...

നുണക്കഥയാണെങ്കിലും വായിച്ചു... നന്നായിട്ടുണ്ട്..!!

കഴിയുമെങ്കിൽ ഇവിടെ
http://www.facebook.com/#!/groups/243104899060161/
ജോയിൻ ചെയ്യൂ.. നമുക്കും കുവൈറ്റിൽ സംഘടിക്കണ്ടെ..??